Bheed Mein Hokar Bhi Mujhe
Hota Tanhai Ka Ehsas Hai,

Haan Hai Ye Gila Jo Mujhko Samjhe
Woh Kyon Na Mere Pass Hai..

-

Bhookh Zoron Se Lagi Ho
To Woh Sone Bhi kahan Deti Hai,

Pet Khali Ho Agar Jo "Parvez"
To Sukhi Roti Bhi Maza Deti Hai.

-

Karbala Sunta Jo Kabhi
To Mein Ro Deta Tha

Ab Palestine To Magar Mein
Dekh Raha Hun,

Tab Bhi Apne Hi Thee Jo
Tamasha Dekh Rahe Thee

Aaj Bhi Kuch Waisa Hi Manzar
Mein Dekh Raha Hun.

-

Ke Kuch Toh Sabab Hoga Mera Hona
Tere is Jahaan Mein,

Hai Gar Koi Maqsad To Bata De Ya Rab
Banda Hai Kab Se Intezaar Mein..✍

-

Dil Chal Pada Hai Safar Per
Talaash e Yaar Ke Liye,

Shayad Woh Tadap Raha Hai
'Parvez' Pyar Ke Liye..

-

Tasveer Teri Banke Nishani Rah Gayi
Na Mukammal Teri Bhi Kahani Rah Gayi,

Umr Bhar Nibhauunga Main Dosti Meri
Baat Teri Woh Banke Sirf Zubani Rah Gayi.

-

Aye Ummat ki Beti Sambhal Ke Tu Chalna
Ke Tujh Pe Nigahen Jamayein Hue Hain,
Jo Raasta Tujhe Woh Dikhla Rahe Hain
Khudara Woh Hargiz Waisa Nahi Hain,

Bacha Kar Tu Apne Daman ko Rakhna
Ke Dushman Ne Kaante Sajayein Hue Hain,
Woh Chahta Jhuka Na Sar e Mard e Momin
Faqat Tujhko Woh Zariya Banayen Hue Hain,

Milega Usse Bhi Sher e Khuda Jaisa Koi
Jo Kirdar e Zahra Banayen Hue Hain,
Aye Ummat ki Beti Sambhal Ke Tu Chalna
Ke Tujh Pe Nigahen Jamayein Hue Hain..

-

Hum Toh Kaam Aaye Musibat
Mein Sab Ke Maga,

Apni Bari Jo Aayi Toh Dekha
Phir Gayi Sab Ki Nazar.

-

Mehnat Mein Kar Raha Hun
Ke Daulat Miile Mujhe,

Uske Bagair Mumkin Kahan
Ke Chaahat Miile Mujhe...

-

Kuch To Hai Jo Yeh Tera
Chehra Bata Raha Hai,

Hai Dard Kuch To Aisa Jo
Tujhko khaye Ja Raha Hai.

-