ବେଶ୍ କିଛି ପରିଚୟ ନଥିଲା,
ଯେମିତି ଶ୍ରାବଣ ଆଣିଦିଏ
ତୃଷ୍ଣାତୁର ମନରେ ଅସୁମାରୀ ତୃପ୍ତି
ସେମିତି ସେଦିନର ଅଳସୁଆ ଅପରାହ୍ନରେ
ତୁମେ ଭରିଥିଲ ଏକ ଅଜଣା ଆଲୋଡନ,
ଅହେତୁକ ଉଲ୍ଲାସ,
ଆଉ ସାରା ଜୀବନ ଆଶ୍ରା କରି ହେବା ପରି ପୁଞ୍ଜାଏ ପ୍ରୀତି ।
ବାସ୍, ସେଇ ଦିନ ପରଠାରୁ
ଗୋଟିଏ ହିଁ ସର୍ତ୍ତ ଥିଲା,
ମୁଁ କେବଳ ଭଲପାଏ ତୁମକୁ
କିନ୍ତୁ ଏଇ ପ୍ରେମ ଏକବାରେ ଭିନ୍ନ
କେବେ ଭୂମିକମ୍ପ ତ କେବେ ବନ୍ୟା,
ସବୁ ଦୁର୍ବିପାକ ସତ୍ତ୍ୱେ, ଆଜି ବି ବଞ୍ଚିରହିଛି
ଏକ ସଂଜ୍ଞାହୀନ ସମ୍ପର୍କରେ ସର୍ତ୍ତର ବନ୍ଧନ ।
-