जग सारे मी फिरलो, देव शोधायला
बाप असता घरी, विट्ठला सारखा

-

कोड़े तुझ्या मनाचे, सुटले कधीच नाही
दुःखात हासने ही, पटले कधीच नाही
तु झेलते कशी, हे वार रोज अंगावर
कुठून येतो बळ इतका, कळले कधीच नाही

-

कातिल तुझ्या नजरेचा
पुन्हा शिकार झालो
तुझ्या अर्ध्या सुखाचा
मी हिस्सेदार झालो

-

कित्तेकदा मी छत्री
मुद्दाम विसरलो होतो
तुझ्या मिठीत विर्घळताना
चिंब चिंब न्हालो होतो

-

कधी भेटली नाही जरी तू
तुझी आठवण छळते ग
सायंकाळच्या कातरवेळी
जखम सुगंधी सळते ग

-

कडेलोट केला तिच्या आठवांचा
तरी एक आठवण पुन्हा जन्म घेते

-

किती झेलल्या मी सरी पावसाच्या
तुझ्या सवे भिजायचे राहून गेले

-

चूक झाली एवढी की
बाळ माझा हीरावला
एक एका श्वासागणिक
देह माझा थरारला

-

रात काळी,काल काळा
सूर्य होता झोपला
मध्य रात्रि कसा अचानक
देव माझा कोपला.

-

तू चांद आहे त्याची
हे मानले जरी तू
मी ध्रुव तारा तुझा
नाकारले जरी तू

-