Maa ko pareshan karne par..
Badi badi baatein sunane par..
Mere liye kya kiya tumne kehne par..
Maa, ek hi baat kaha karti hain,
Beet'ti kya hain ek Maa ke dil par..
Yeh baat samajh me tab aayegi,
Jab ek aulaad tumhare kokh me aayegi!
Badlaav nahi aata phir bhi itna kehne par..
Lekin jab....
Meri beti ne mera haath thama toh,
Baat yeh mere ab samajh me aayi..
Kya-kya karti hain Maa apne bachhon ke liye,
Jaana hain maine jab har raat jaag ke bitayi..
Jaagne par sone ka mann bilkul nahi karta,
Sirf khayal meri beti ka hi rehta,
Kahin wo uth na jaaye, kahin wo rone na lag jaaye,
Kahin usse bhukh lagi hogi, shayad usse meri garmahatt ki zarurat hogi..
Inhi sab me beetne lage hain din khushi-khushi,
Zindagi me meri jab khubsurat si ek BETI hain aayi!
21-10-2022
-