ॐ
ପାଦରେ ଅଳତା ହାତରେ କଙ୍କଣ
ସିନ୍ଥିରେ ସିନ୍ଦୂର ନାଇ...
ବାପ ଘରୁ ଝିଅ ଶାଶୁଘରେ ଯାଏ
ମଥାରେ ଓଢ଼ଣା ଦେଇ...!

-

ॐ
ତୋ ବାଟ ମୋ ବାଟ ଆଜିଠୁ ଅଲଗା
ଆଉ ହେବନାହିଁ ଦେଖା...
ଆମ ଦୁହିଁଙ୍କର ସମ୍ପର୍କରେ ଏବେ
ପଡ଼ିଛି ଲକ୍ଷ୍ମଣରେଖା...!

-

ॐ
ତୋ ରୂପ ଝଲସେ ଆଖି ଆଇନାରେ
ତୋ ସ୍ମୃତି ମାନସ ପଟେ...
ତୋ ପରି ଝିଅଟେ ଦେଖି ନାହଁ କେବେ
ମୋ ଜୀବନ ଚଲା ବାଟେ...!

-

ॐ
ଗନ୍ତବ୍ୟ ପଥରେ ଚାଲୁଛି ଚାଲିବି
ଲକ୍ଷ୍ୟ ପ୍ରାପ୍ତି ହେବାଯାଏ।
ପଛକୁ କଦାପି ଫେରିବାର ନାହିଁ
ଦେହେ ପ୍ରାଣ ଥିବା ଯାଏ।।

-

ॐ
ଶୈଶବ କାଳରୁ ଚାହିଁ ମୁଁ ବସିଛି
ତୁମରି ଆସିବା ପଥ।
ଆସିବା ପାଇଁକି ବିଳମ୍ବ କାହିଁକି
କହିବକି ଜଗନ୍ନାଥ।।

-

ॐ
କି ଯାଦୁ କରିଛୁ ଦରଦୀ ବାନ୍ଧବୀ
ଜୀବନେ ଆସିବା ପରେ।
ଶୟନେ ସପନେ ଅବା ଜାଗରଣେ
ବୁଡିଛି ତୋ ଭାବନାରେ।।

-

ॐ
ଭାରତ ମାତାର ବୀର ଯୋଦ୍ଧାଗଣ
କରୁ ତୁମ୍ଭଙ୍କୁ ସଲାମ.....
ପହଲଗାମର ଆତଙ୍କୀଙ୍କୁ ନାଶି
ବିଶ୍ୱେ ଅର୍ଜିଲ ସୁନାମ....!

-

ॐ
ଅଭୁଲା ସାଥୀ ତୁ ଏଇ ମୋ ହୃଦୟେ
ଭରିଛୁ ଖୁସି ଛ'ଗୁଣ।
ସେଥିପାଇଁ ସିନା ସବୁ ଋତୁ ମୋତେ
ଲାଗେ ଫଗୁଣ ଫଗୁଣ।।

-

ॐ
ପ୍ରେମ ଭରା ତୁମ କୁହୁକ ଚାହାଣୀ
ପାଖକୁ ନେଉଛି ଟାଣି।
ଯେତେ ଚାହିଁଲେ ବି ଖସି ମୁଁ ପାରୁନି
ସତେ କାହିଁକି କେଜାଣି।।

-

ॐ
The voice of conscience is the voice of God.

-