Muhabbat,Wafa,Aman,dosti likha rakha hai pardey ke aagey.
Hum bhi toh dekhein chupa ke kya rakha hai pardey ke peechey.

Meri khamoshi ko naa samajhye meri laa ilmi.
Lafzun ka ik ambar chupa iss khamoshi ke peechey.

-

Woh kahin ghoom raha hai be-naam galiyun mai.
Mai usko dhoodne nikla toh khud kho jaounga.

-

Haqeeqat haqeeqatan haqeeqat se alag hai.
Ye duniya ik khwab hai mgr khwaab se alag hai.

-

Karun izhar e dard e dil toh khatakar ho jaoun.
Sahun sab kuch khamshi se toh wafadar ho jaoun

Mere wajood e faani ko javedani mil jati agar.
Mai tere ishq mai jalke raakh o gubaar ho jaoun.

-

Mere wajood e faani ko javedani mil jati.
Agar mai tere ishq mai jalk'ey raakh ho jaoun.

-

Ye ibtida'e kalam hai ki meri wafadariya'n tumse hi hain.
Ye inteha'e kalam hai ki meri rooh-dariya'n tumse hi hain.

Tum khafa bhi mujh se ho jao,tum jafa bhi mujh se ho jao.
Kyu ki meri sab nadaniyan,sab yariyaan bas tumse hi hain.

-

Kya huva agar ek toot bhi gaya toh.
Chand ki mehfil mai sitarey bohat hain.

Na mai jaanta kisi ko na mujhe koi jaane.
Mai thehra ek musafir mere thikane bohat hain.

-

Mujh mai,mai dhoond raha hu mai.
Kuch iss tarah se kho raha hu mai.

Ek owais hai jo tas se mas nhi ho raha.
Ek bhujhne ki koshish mai sulag raha hu mai.

-

Aey ishq tu bhi kamal karta hai.
Pastiyun se buladiyun,bulandiyun se pasityun tak.
Pohanchane ki quw'wat rakhta hai.
Aey ishq tu bhi kamal karta hai.

-

Ye khamoshi zeher lagti hai hamay.
Mujhe awaz sunke teri surkharo hona hai.

Hasrat hoti hai mujhe owais tum par.
Usse khone se darta hai jise lakirun mai hona hai.

-