କେତେ ଯେ ସ୍ଵପ୍ନ କୁ ଧୂଳିସାତ କରି ଆସିଛି ମୁଁ!
ଭାଙ୍ଗି ଯାଇଛି ସତ...
ହେଲେ ହୃଦୟ ର ପ୍ରତି ଟୁକୁଡ଼ା କୁ ସାଇତି ରଖିଛି ମୁଁ।
ତୁମ ନିଷ୍ଠୁର ହୃଦୟ ରୁ ମିଳିଥିବା ବିଶ୍ୱାସଘାତକତାର ସାକ୍ଷୀ ଯେ କେବଳ ମୁଁ!
ମୁଁହ ଖୋଲି କେବେ ଅଭିଯୋଗ କରିନି ସତ...
ତୁମ ଭଲ ପାଇବା ର ମରୀଚିକା ପଛେ ଧାଇଁଥିଲି ମୁଁ।
ପ୍ରେମ ର ପ୍ରତିଛବି କୁ ବାସ୍ତବ ଭାବି,
ତୁମ ହସ ର କାରଣ ହେବାକୁ ଚାହିଁଥିଲି ମୁଁ।
ହେଲେ ଭାବି ଯେ ନଥିଲି...
ତୁମ କୁ ହସ ଦେବା ବଦଳ ରେ,
ଦୁଃଖ ର ଦରିଆ ରେ ଭାସି ଯିବି ମୁଁ!
ନିଜ କଥା ଚିନ୍ତା କରି ନଥିଲି,
ବୋଧେ ମୋ ମାଆ ର ରୂପ ଟିଏ ସାଜି ଥିଲି ମୁଁ।
କିନ୍ତୁ, ମୋ ମାଆ କୁହେ... "ଅନ୍ୟ ର ଖୁସି ଦେଖିବୁ ନିଜ ଖୁସି ଭୁଲି ଯିବୁ ନାହିଁ।"
ମୁଁ ଅଧା ହିଁ ବୁଝି ପାରିଥିଲି ବୋଧେ,
ଏବେ ଆଉ ନିଜକୁ ବୁଝାଇ ପାରୁ ନାହିଁ ମୁଁ।
ଯେତିକି ସମୟ ତୁମେ ସାଥେ ଥିଲ ମୋର,
ନିଜର ସତ୍ତା କୁ ଅନୁଭବ କରିଥିଲି ମୁଁ।
ଆଜି ଯେତେବେଳେ ତୁମ ବିରହ ମୋତେ ଭାବିବାକୁ ବାଧ୍ୟ କରେ,
ତୁମ ବିନା କିଛି ନାହିଁ ମୁଁ, କିଛି ନାହିଁ ମୁଁ।
-