ಹಸಿವು ನೀರಡಿಕೆ ಎಲ್ಲ ಮರೆಸಿತ್ತು ಅತೀವ
ಅವನೊಲವಲ್ಲಿ,
ಮಗ್ಗುಲ ಬದಲಿಸಿದರು ನಿಲ್ಲದ ಬಣ್ಣ ಬಣ್ಣದ
ಆಸೆಯ ಕನಸುಗಳ ಧಾವಂತ,
ಸುಖ ಸುಮನ್ನೇ ಕಾಡುವನು, ಮೆಲ್ಲ ಮೆಲ್ಲನೆ
ಬಂದು ಕಚಗುಳಿ ಹಿಡುತ್ತಾ,
ಕವಿದ ಕತ್ತಲೆಯೊಳಗೆ ಪ್ರೇಮದ ಪರಿ
ಹುಡುಕಾಟ ಆಡುತ್ತಾ,
ಏಕಾಂತದಲ್ಲೂ ಅವನಾಟ ಮೋಜಿನದಾಗಿತ್ತು
ಮುಂಗಾರು ಮಳೆ ಕರೆದು ನೆರವಿಗೆ ಬಂದಿತ್ತು.
ಕೋಣೆಯ ದೀಪ ಹಾರಿತ್ತು..
ಏನೆಲ್ಲಾ ಸಂಭ್ರಮ ಪ್ರೇಮಲೋಕದ
ಸರದಾರನಾಗಿದ್ದ.. ಉಸಿರು ಉಸಿರಿಗೆ
ತಂಗಾಳಿಯಾಗಿಸಿ ಒದ್ದೆಯಾಗಿದ್ದ... ಮೋಡ
ಮಳೆ ಸುರಿಸಿ ಹೃದಯ ಕಂಪಿಸುತಿತ್ತು.
ಕನಸು ಕಂಡ ಮನಸಿಗೆ ಜೀವ ಬಂದಿತ್ತು.
ಕಣ್ಣ ಎವೆಗಳು ಭಾರವಾಗಿ, ಸ್ವಾತಿ ಮುತ್ತಿನ
ಸೋನೆ ಮಳೆಯಲ್ಲಿ,ಪ್ರೀತಿಯ ಸಂಭ್ರಮ ನಡೆದಿತ್ತು.
ಇಷ್ಟೇ ಸಾಕೆ...? ಎಂದೂ ಮನದೊಳಗೆ
ನಾಚಿಕೆ ಹೆಚ್ಚಾಗಿ ನಗುವ ತಂದಿತ್ತು...!!
-