હું જ્યારે જ્યારે એના પર નજર ફેરવું ત્યારે તેણી મારી આંખોમાં જ તાકતી હોય છે.
મારી ફરતી આંખો સાથે મારી આંગળીનો સ્પર્શ તેણી પ્રેમિકાની રીતે અનુભવતી હોય છે.
મારામાં અઢળક જ્ઞાન, કલ્પન અને લાગણીનો છલકાવો એ શ્રેષ્ઠ રીતે કરી જાણે છે.
જે મને અને મારા એકાંતને એક લયમાં પરોવી જાણે છે.
એ મારી પ્રેમિકારૂપી પુસ્તક છે જે મને એક અલગ વ્યક્તિત્વ ઘડવામાં મદદરૂપ થાય છે, નિરંતર..!💖

-

હે હનુમાન, અંજનીના સુત, વાયુના પુત્ર, સર્વશક્તિમાન, ભગવાન રામના પ્રિય, મહાન યોદ્ધા અર્જુનના સખા, પિંગાક્ષ ચક્ષુ વાળા, અમાપ બહાદુરી તથા શક્તિવાળા, સમુદ્રનું અતિક્રમણ કરનાર, દેવી સીતાના દુઃખ હરનાર, લક્ષ્મણના પ્રાણદાતા અને રાવણના ઘમંડને ચૂર કરનાર હે દેવ આપની કૃપા આમ જ સૌ પર બનાવી રાખજો તેવી પ્રાર્થના સહ કોટી કોટી નમન🙏🚩✨

-

નિર્મળ હાસ્યરૂપી ભાવ છે રામ,
હૃદય મહી કરુણાનો છંટકાવ છે રામ.
જીવનરૂપી સફર જે ખેડવાની છે અનંત સુધી,
એ સફરમાં તારવતી હથેળીરૂપી નાવ છે રામ.
પુરુષત્વ જે જકડાયેલ રહ્યું સિધ્ધાંતો મહી,
એવા પુરુષોત્તમ નો મર્યાદારૂપી પ્રભાવ છે રામ.
કોઈનો એઠો પ્રેમ સ્વીકાર્યો, કોઈને દીધા મોક્ષના ધામ,
સતત મમ હ્રદયમાં વિહરજો, તમ પ્રભુ શ્રી રામ..!

-

કંઠે ધરી લેશે વિષ, ટકાવવા અસ્તિત્વ જીવ તણુ,
વળી ઝેરીલું દ્રવ્ય ચરણે ધરનારને પણ આપે અમૃત ઘણું ઘણું!
તારા સઘળા દુખડા પળવારમાં હરી શકે છે,
હા મારો નાથ ધારે તે કરી શકે છે..!

-

Happy new year!!!
May this financial year bring much wealth and prosperity to your business..!✨

-

It's not just a moment that says "I love you",
It's a gist of numerous memories working through..!

-

તમે આવો તો ધુળેટી ઉજવીએ,
લાટ બધા બહાને રંગોને પજવીએ,
અમે દાબી રાખ્યો બંધ મુઠ્ઠીમાં સ્નેહ ભર્યો રંગ,
તમે આવો તો ઉછળે સામસામા હૈયે કૈક તરંગ,
હઠ ધરી છે આજે, કઈ પણ થાય ભલે,
કોરેકોરા પાછા ન ફરીએ'
તમે આવો તો ધુળેટી ઉજવીએ..!

-

ખુશી ક્યા ક્યા મળે છે,
કોઈ કારણ વગર આમ જ હસતા રહેવામાં,
રાગ ને છંછેડ્યા વગર ગણગણતા રહેવામાં,
અજાણ્યા સાથે નિર્દોષ વાર્તાલાપ આદરવામાં,
દુખીયારા જીવના મુખે હાસ્ય પાથરવામાં,
લોકોની પરવા કર્યા વગર બિન્દાસ જીવવામાં,
જૂની યાદો તાજી કરી એનું તોરણીયું સિવવામાં,
કુદરતની મ્હેર તાજી હવામાં પામતા રહેવામાં,
મનડાં સાથે હૈયાની બોલી સાંભળતા રહેવામાં,
આમ, ખુશી બધે જ છે, અંતે બધા એને પામે જ છે..!

-

ખુશી એટલે,
સઘળા દિવસમાં બનેલ ઘટનાઓ વાગોળતા,
આમ જ મુખ પરથી સારી પડતું નિર્દોષ હાસ્ય..!

-

યુગની ફાટક પાડી સમયને કપરો કરતો જાય,
વળી મમતા પાથરે એવા પાત્રોમાં અવતરતો જાય,
ઘડી બે ઘડીમાં અનંત સુધી ફરી શકે છે,
હા મારો નાથ જે ધારે તે કરી શકે છે..!

-