நிழலும் நானும் கை கோர்த்து நடக்கும்போது...

நினைவுகள் நீந்திக் கொண்டே வந்தன!
நீச்சல் தெரியாமல்
ஆற்றில் குதித்ததுபோல்...!!!

-

அடி என்னவளே!
விழிகளுக்கு மையிட்டு
அடம்பிடிக்காதே!

நீ அடம்பிடிப்பதெல்லாம்
வடம்பிடித்து இழுத்து
வந்துவிடுகிறது
எந்தன் மனது...!!!

-

சொல்லவந்த விசயத்தை
சட்டென்று சொல்!

தாமதிக்க தாமதிக்க
தாகம் எடுக்குது...!!!

-

தயவுசெய்து
இமைகளை கொஞ்சம் மூடடி!

என் உதடுகள்
உளறிக் கொட்டுவதை
நிறுத்த மறுக்கிறது...!!!

-

ஏதேதோ சொல்கிறாய்!
என்னால்தான்
புரிந்துகொள்ள
முடியவில்லை...!!!

-

குளோரோபார்ம்க்குள் குதித்தாலும்
மயக்கம் வராத எனக்கு

உன் கண்களை காண்பதற்குள்
பார்வை இழந்தேன்
மயக்கவாசல் சென்று...!!!

-

பார்வையில் கூட
மௌனமா?

இதுவரை
பார்த்ததில்லையடி
நான்...!!!

-

ஒளியின் நீளம் கூட
அளக்கிறேன்!
ஒரேயடியாக
பேசாம இருக்காதே!

வலியின் ஆழம் தேட
நினைக்கிறேன்!
மௌனத்தில்
என்னை வதைக்காதே...!!!
NSK

-

மனதில் உதிக்கும் வரிகள்
மன்னனுக்குதான்!

மன்னன் கேட்டால்
மனம் மௌனம்தான்...!!!

-

பார்வையில் தேடும்போது
விழிகள் மட்டும்
பேசிக்கொள்கிறது!
இதழ்கள் மௌனித்தே கிடக்கின்றன!

ஆராய்ந்து பார்த்தால்
உதடுகளுக்கு உரையாடபிடிக்காதாம்!

விழிகளால்
நனைந்தபிறகு...!!!

-