കേൾക്കാൻ കൊതിച്ച വരികളിൽ
കാണാൻ കൊതിച്ച അക്ഷരങ്ങളിൽ
ചേർക്കാൻ കൊതിച്ച കവിതപോൽ
പുണരാൻ കൊതിച്ചു നിന്നെയും
വിടരാൻ കൊതിച്ചു ഞാനിതാ..

-

തളിരിടാതെ പോകും ചെറു മോഹങ്ങളും
താരിളം കൈയ്യാൽ മുഖം മറച്ചു
അന്തിച്ചുമപ്പിന്റെ ആലസ്യ ചൂടിലും
അന്തിച്ചു നിന്നെന്റെ മിഴി ഉറച്ചു

തളരല്ലേ എന്നോതി നാഴിക കുഞ്ഞുങ്ങൾ
കരളിലും കുളിരല കനവു തീർത്തു
ഇരുളാർന്ന നൊമ്പര പേമാരിയാകിലും
ഇരവിന്റെ മിഴിയിലും ചന്ദ്ര കാന്തി

കതിരൊളി തൂകി കുണുങ്ങി ചിരിക്കുന്ന
അതിരറ്റ സ്നേഹത്തിൻ ഭാജനങ്ങൾ
മിഴികളിൽ കനവിന്റെ നനവു പടർത്തുമ്പോൾ
ഇടനെഞ്ചിൽ നിറമാല്യം ചാർത്തിടുന്നു .

-

അലയുന്നിതാ ഞാൻ വലയുന്നിതാ
നീർ സാഗരത്തിൽ നനയുന്നിതാ
നിന്നശ്രുബാഷ്പ്പങ്ങളിൽ നീന്തുന്നിതാ
നിന്നിലെ എന്നെ ഞാൻ അറിയുന്നിതാ
നീയായി ഞാനിതാ മാറുന്നിതാ
ഇടനെഞ്ചിലൊരു നാളം തെളിയുന്നിതാ
മിഴിയിണകൾ നിന്നെ തിരയുന്നിതാ
കണ്ടെത്തി നിന്നെ പുണരുന്നിതാ
കാലങ്ങൾ മെല്ലെ പോകുന്നിതാ
നമ്മളെന്നുമൊന്നായി മാറുന്നിതാ
ജീവന്റെ ജലധാര കാണുന്നിതാ
പൊൻവീണാ ക്കമ്പി വീണമീട്ടുന്നിതാ
നീയെന്നുമെന്റേതു മാത്രമാകുന്നിതാ..

ജീവന്റെ ജീവൻ.. ❣️

-

നെഞ്ചിൽ ചേർത്തു വച്ചതൊക്കെയും ചേർന്നുതന്നെയിരിക്കട്ടെ എക്കാലവും.. ❣️

-

നമ്മൾ ഒരാളെ നോക്കി
ചിരിച്ചാൽ എത്ര ഗൗരവം
ഉള്ള ആളാണെങ്കിലും
തിരിച്ചും ചിരിക്കും.
അതുപോലെ വാക്കുകൾ
കൊണ്ട് സ്നേഹിച്ചു നോക്കു.
തിരിച്ചും കിട്ടും.
വിഷമമുള്ളവരെ ചേർത്തു
പിടിക്കു. ഉന്നതങ്ങൾ
കീഴടക്കിയ ആവേശം ഉണ്ടാകും.
വെറും സ്നേഹം.
മറ്റെന്താണ് പങ്കുവെക്കുക.

-

അനന്തമായിരുന്നു..
അനന്തതയിലായിരുന്നു..
ആകാശം തൊട്ട മോഹങ്ങളും..
അതിനുള്ളിലെ സ്വപ്നങ്ങളും..!!

-

മൗനമൊരു പുഴയായൊഴുകുമീവഴിയും
അലസമായ് തഴുകിടുന്നൊരീ തെന്നലും
കരളിലൊരു കുളിർമഴ മനമതുതരളിതം
നിറഞ്ഞാടും നീലവാനം നീളെ നക്ഷത്ര പൂമഴ.!!!

-

ഇടറിയ മോഹങ്ങൾ
വിളറിയ സ്വപ്‌നങ്ങൾ
ചിതറിയ ചിന്തകളിൽ
വിതറുന്നു വിത്തുകൾ..!!

-

ഒരു പുസ്തകം

ഒരു പുസ്തകം അത് നമ്മുടെ ജീവിതം തന്നെയാണ്.
ആ പുസ്തകം തുറക്കുന്നതും അടക്കുന്നതും നമ്മളല്ല. എന്നാൽ
ആ പുസ്തകം മറ്റുള്ളവർ വായിച്ചു തീർക്കേണ്ടത്
എങ്ങനെ എന്ന് നിശ്ചയിക്കുന്നത് നമ്മളായിരിക്കും..

-

ഇതളറ്റു വീഴുന്നു വേദന
മിഴികളിലുതിരുന്നു ചേതന
ആലിംഗനങ്ങളോ ലാളന
നീ മാത്രമാണെന്റെ ജീവനേ..

-