শেষৰাতি মোলৈ
এন্ধাৰৰ সকিয়নী-----

"সন্মুখত পোহৰ,
চকুপানীবোৰ মচি লোৱাই ভাল ..."

-

কিন্তু অভিনয় কৰিব পাৰিম
তোমাক পাহৰাৰ....

-

এইয়া সন্মুখত মৃত্যু..

মাত্ৰ দুটামান বন্ধ উশাহৰ পিছতেই
ঘোষণা কৰা হ'ব ,
"তাই মৃত "

-

অন্ধকাৰত বহু কবিতাৰ সৃষ্টি হয়...

তাৰেই অধিকাংশৰ মৃত্যু পোহৰত হয় .....

এইয়া মৃত কবিতাৰ জীয়া কবিগৰাকীৰ
এক ব্যক্তিগত ধাৰণা ✨

-

এখন উকা কাগজ
আৰু চিয়াহীভৰ্তি কেবাটাও কলমৰ সৈতে
মইজনী অস্থিৰতাৰ কবলত...

( এক বিশেষ পীড়া )
শব্দই হেনো সংগ নিদিয়ে !!!!

কবিসকললৈ প্ৰশ্ন....!!

"আৰু কিমান বেছি
অদম্য উন্মাদনাৰ প্ৰয়োজন হব
অনুভূতিবোৰ বাক্যৰ ৰূপ লবলৈ......??"

-

আপত্তি নহয়,
তুলনাহে কৰিব পাৰিবা নিজকে
চিগাৰেটৰ লগত...


কাৰণ
ধোৱাখিনিও সিমানেই প্ৰিয়,
যিমান তুমি...

-

অন্য ভূষণ নালাগে মোক....



তুমি
এপাহ গুজি দিবা,
আত্মহাৰা হ'ম...
তুমি
হহুৱাই তুলিবা,
হাঁহিৰেই অলংকৃত হম...

-

মই বেশ্যা...
মই লাঞ্ছিতা...
ময়েই অভাৱ ,কৰ্তব্যৰ ভাৰবাহী কামৰতা...!!!!

দিপ্তীৰ কলঙ্কিনী ,তমসাৰ উন্মাদিনী মই
সমাজৰ বদনামী নিলাজী মই...//


অশ্লীল ইংগিতৰ ছলনাময়ী মই...
পিশাচ পুুৰুষ একাংশৰ ক'লা হাঁহিৰ উৎস মই..
সতীত্বহীন দেহেৰে উপদ্ৰুত মই...
বেশ্যালিৰে ক্ষুধা নিবাৰণৰ উপায় মই...

কাৰণ মই বেশ্যা.....
মই ব্যভিচাৰিতা......

কিন্তু মই.....( )

-

এইয়া দ্বিতীয়খন .....


আকৌ এবাৰ নাকচ কৰা
মোৰ প্ৰেমৰ প্ৰস্তাৱ !!!!

অৱহেলিত মইজনীয়ে
তৃতীয়বাৰৰ বাবে লিখিম
মনৰ কথাবোৰ উকা পৃষ্ঠাত....


# #একপক্ষীয় প্ৰেম

-

এই যে ভাললগাবোৰ ,,,,,

ভালপোৱালৈ সলনি হল //


বন্ধুত্বৰ পৰা প্ৰেমলৈ
মই তুমি ৰ পৰা আমি লৈ...
বহুখিনি সলনি হল.....

-