அன்று, பொய்யான
பொருட்களுக்குள்
மெய்யான உணர்வு !
இன்று, மெய்யான
பொருட்களுக்குள்
பொய்யான உணர்வு !

-

காலம் கடந்து தனது
காதலை காத்திட வந்த
காலப்பயணியோ
துளியும் தடுக்க முடியவில்லை !
காதலியின் திருமண நிகழ்வினை
காரணம்,
வரவேற்பு நிகழ்வில் தன்னிடம்
நாடகமாடியவளோ,
"மலையூரு நாட்டாமை" படலுக்கு
நடனமாடியதை கண்டு...!

-

வண்ணம் தீட்டபடாத
ஓவியம் ஒன்றில் நான்
பூசிய வண்ணங்கள்,
காலம் கடந்த பின்னும்
அழியவில்லை,
காரணம் பூசிய வண்ணங்கள்
யாவையுமே,
எந்தன் எண்ணங்கள்
கலந்த கற்பனையே...!!!

-

நிலவின் முகம்
சிவந்து காணப்பட்டது !
ஒரு வேளை,
சூரியனை மறைத்து
எதிரில் நின்ற
பூமியை கண்டதால்
இருக்குமோ...!?!?

-

கிழிந்த காசோலை இணைந்த பின்,
பிரித்து விடுகிறது
பண பரிமாற்றத்தின்
பெயரில் பெறுபவர்களிடமிருந்து,
தருபவர்களை...!
அதுபோல,
பிரிந்த காதல்
இணைந்த பின்,
பிரித்து விடுகிறது
மன பரி(னா)மாற்றத்தின்
பெயரில் அன்பினை
பெறுபவர்களிடமிருந்து,
தருபவர்களை...!

-

விடையாக உனது விழி
இடது செல்ல...
வினாவாக,
எனது மனம் அதை தேடி
உந்தன் பக்கம்..!

-

நான் விரும்பினால்,
அடுத்த நொடியில் கூடுகிறது
அழகோடு விலையும்,
அன்று நீ !
இன்று டீ !
புத்துணர்ச்சி தரும்
இரண்டுமே உயர்ந்திட
உணர்கிறேன்,
உழைத்திடவே
மேலும் மேலும்...!

-

மீண்டும் தென்பட,
இணையத்தில்
இனியவளின் பதிவு !
என்ன செய்ய நானும்,
என்னால் அவளுக்கு
எண்ணற்ற கண்பட்டால்...!?!?

-

கைப்பேசியுடன் காவலன்....
கொலைப்பசியில் கோவலன்...
மறுத்து பேசிய கண்ணகி
வகுத்து பசியாற்றிய பாண்டியன்...
வருந்தி அடம்பிடித்த மாதவி...
கருத்து கூறிய விருந்தினர்..,
மதிப்பெண் கூறித்த கலந்துரையாடல்,
வென்றதோ அங்கே ஆங்கிலத்துறை,
நடத்திய நாடகம் “ஒத்தல்லோ",
கல்லூரியின் கலை விழாவில்...
ஒரு தலையாக...!

-

பன்மொழி அறிஞரே ஆயினும்,
உரையாடலின் இடையே
விளக்கம் ஏதுமின்றி
விழித்து நிற்கிறார்!
"வீட்டினுள் அரும்பு மழலையின்
குறும்பு கேள்விகளுக்கு...!!!"

-