का आहे उभा उन्हात? कुणास ठाऊक
पाऊस कुणाला भिजवून राहिला
त्याच त्यालाच ठाऊक!
पडतील भिंतीलही आता भोके फार
पाण्याने केला आमच्यावर ओला वार
सुखानं जगत होतो आम्ही चार
सरकारनं उगीच केला पंचनामे फार
टीव्हीवर तर लोकांना फार मदत देऊन राहीले
पण दुर्दैव आमच, आमचे खिसें फाटून राहिले
राहूदे आम्हाला, आम्ही निसर्गाला पाहून घेऊ
पण तू नेता आमच्या गावचा म्हणून
उगीच डोळ्यात पाण्याच्या नदया नको वाहू
सवय झाली आम्हला संकटाची फार
आमदार साहेब तुम्ही नक्की मदत कुठं दिली राव
काय आमचं दुखणं सगळं तुम्हाला ठाव
तरीही तुम्ही आम्हला पाच हजार देता काव
मदत कुठाय आमची म्हणून अधिकाऱ्याला पुसले
तो म्हणे, पूर आता ओसरला ना मग का रडून राहिले
सरकारचं जाऊ दे देवानं तरी आमच्याकडं पहावं
तो मदत करील म्हणून त्यालापन कोंडले ना राव
भारी आहे ना सरकार त्यांना नाही भीती
मतं दिली यांना पण यांनी केली अपोजिशनशी युती
कुठं पडलंय ऊन अन कुठं पडलाय पाऊस
शेतकऱ्याला सोडा, सरकार म्हणे आम्हाला आहे ठाऊक
ठीक आहे मंग, आता तर सर्व भोगायच हाय
आता आमचा मतदानावर पण विश्वास उरला नाय
-