ഒരു കൃതിയെ കുറിച്ച്
അതിൻ്റെ അർത്ഥം എഴുതുവാൻ
പറഞ്ഞാൽ ആയിരം പേർ
ആയിരം തരത്തിൽ അഭിപ്രായങ്ങൾ
എഴുതും.

ഒരു പക്ഷേ കവി ഉദ്ദേശിച്ച അർഥം
ആരും എഴുതിയില്ലെന്നു വരാം!

അതുപോലെയാണ് ജീവിതവും
പല ആളുകൾ വ്യത്യസ്ത തലങ്ങളിൽ
നിങ്ങളെ വായിച്ചെന്നു വരാം,

"നിങ്ങൾ നിങ്ങളായി തുടരുക! "
— % &

-

"വർണ്ണാഭമായ കാഴ്ച്ചകൾ മാത്രമല്ല,
ഓരോ നിമിഷങ്ങളും പതിയണം.

കളർ ടോണുകൾ കൂട്ടിയിണക്കുന്ന
കേവലം ഒരു 'ക്യാമറ' യിൽ മാത്രമല്ല!

എന്നും മധുരം പൊഴിക്കുന്ന
ഓർമകളായി -
നിൻ്റെ ഹൃദയത്തിൽ "
🌻

-

അന്ന് -
ബ്രിട്ടീഷുകാർ നമ്മെ
ഭിന്നിപ്പിച്ചു ഭരിച്ചു


ഇന്നോ-
ജാതിയുടേയും മതത്തിൻ്റേയും
രാഷ്ട്രീയത്തിൻ്റെയും ഒക്കെ പേരിൽ
നമ്മൾ " സ്വയം " ഭിന്നിപ്പിച്ചു
കൊണ്ടിരിക്കുന്നു.

-

" ആനന്ദം
തേടി അലയേണ്ടതില്ല,
സ്വാർത്ഥത വെടിഞ്ഞു
നോക്കിയെന്നാൽ എങ്ങും
ആനന്ദം നടമാടുന്നത് കാണാം "

-

തിമിർത്തു പെയ്യുന്ന മഴയേ കണ്ടിട്ടില്ലേ?
ചിലർക്ക് വെറുമൊരു കൗതുമായിരിക്കും
ചിലർക്ക് അതൊരു പ്രണയമായിരിക്കും
മറ്റു ചിലർക്ക് അതൊരു ശാപമായിരിക്കും,

അതുപോലെയാണ് നിങ്ങളും,
നിങ്ങൾ ആത്മാർഥമായി മറ്റുള്ളവരിലേക്ക് പെയ്തിറങ്ങുന്ന പോലെ അവർ നിങ്ങളെ ഉൾക്കൊള്ളണം എന്നില്ല

-

നിറമാരി പെയ്യിച്ചൊരാ കാർമേഘങ്ങളാലോ,

വികസനമെന്ന ഓമന പേർ ചൊല്ലി
വിഷം തുപ്പുന്നൊരാ
പുക കുഴലുകളാലോ

മിന്നി നിറഞ്ഞൊരാ താരകങ്ങൾ
എങ്ങോ മാഞ്ഞു പോയ്!

ആരോ അണച്ചൊരെൻ
മന്ദഹാസത്താൽ,
അതിലേറെ ഇരുൾ മൂടി ഇന്നു
ഞാനും!

-

എൻ ഹൃദയമാംപൊയ്കയിൽ
കുഞ്ഞോളത്തിൻ അലകളിൽ
ചിറകുരുമ്മി നീരാടുന്നോരു
മഴവില്ലു തോൽക്കുമെൻ
നീല മരാളമേ

ഇമവെട്ടിടാതെ കാതോർത്തിരുന്നിടാം
നിൻ ഹൃദയത്തിൻ ശ്രുതി ചേർത്ത്
നീ പാടുമെങ്കിൽ

-

Am happy 😊






Am happy 😁

That doesn't affect my happiness

-

"മാവേലി നാടുവാണീടും കാലം
മാനുഷരെല്ലാരും ഒന്നുപോലെ
കള്ളവുമില്ല ചതിയുമില്ലാ
എള്ളോളമില്ല പൊളിവചനം"




"മാവേലി തമ്പ്രാൻ ഇന്നിലെന്നാലും
മാലോകർ നാമെല്ലാം മാറിടേണം
കള്ളവും,ചതിയും,ഞാനെന്ന ചിന്തയും
സ്വയമേവ വെടിഞ്ഞിന്നു മാറിടേണം
നന്മകൾ പൂക്കുന്ന പുലരികൾ വിരിയുവാൻ
മാവേലിമന്നനെ പോൽ മാറിടേണം"

-

ചെറുതെങ്കിലും .......
മറ്റുള്ളവരുടെ കണ്ണുനീർ
ഒരിറ്റു പോലും പൊടിയാത്തതെങ്കിൽ
അതല്ലേ
യഥാർത്ഥ സന്തോഷം!

-