അവളെനിക്കാരായിരുന്നു.......
എന്നതിന് ഒരുത്തരം
നൽകാനാവില്ല.
പെയ്തു തോരാത്ത
കണ്ണുനീരിൽ
സാന്ത്വനത്തിന്റെ കുട നിവർത്തിയവൾ.
എവിടെയോ ഞാൻ നഷ്ടപ്പെട്ടെന്നു
കരുതിയ എൻ്റെ ഇഷ്ട്ടങ്ങളിലേയ്ക്ക്, ലക്ഷ്യങ്ങളിലേയ്ക്ക്,
വഴികാട്ടിയായവൾ .
ഇനിയും എനിക്ക് സഞ്ചരിക്കാൻ സ്വാതന്ത്ര്യത്തിന്റെ ആകാശമുണ്ടെന്ന് ചൂണ്ടിക്കാണിച്ചവൾ.
വെയിലേറ്റ് വാടിത്തളർന്ന എന്നിൽ
തണലായി പൂത്തു വിടർന്നവൾ. ഏകാന്തതയുടെ നാലു ചുവരുകളിൽ വെളിച്ചമായി കൂട്ടുനിന്നവൾ. കണ്ണടയ്ക്കുമ്പോഴും
എൻ്റെ കണ്ണുകളിൽ
ഞാൻ കാണുന്ന എൻ്റെ
പ്രിയപ്പെട്ടവൾ..
-