उघडेच ठेउनी दार, हे इथवर आले अंगण,
तु सारवलेली ओंजळ..तिच्यात फ़ुलांचे पैंजण…!

-

राहिला बॅगेत गजरा मोगऱ्याचा
सांग ओठांना तुझ्या नुकसान माझे..!

-

प्रेम कर भिल्लासारखं
बाणावरती खोचलेलं,
मातीमध्ये उगवून सुद्धा
मेघापर्यंत पोहोचलेलं..!

-

सावली देता देता । सावलीत निजलो
मृण्मयीसवे आता । पुन्हा सावली होण्या..!

-

तू चंचला तू कामिनी तू पद्मिनी तू राघिनी
तना मनात माझिया तुझी सदैव मोहिनी..!

-

ना आस स्पर्शाची, ना तुझ्या मिठीची
तुझ्या अस्तित्वाचा गंध,पुरेसा जगण्याला..!

-

जगू लागलो सुखात नंतर,
मागिल पाटी कोरी केली..!

-

ऊन आहे जोवरी तोवर
झाड होऊन थांबणे आले..!

-

रोखुनी वेडा चाळा तिचा तू बट हाताने सावरलेली
रेखीव गहिऱ्या डोळ्यांची तुझ्या ही नजर का गं...!

-

उन्हाच्या झोपडीमध्ये सुखाची सावली आली
बहू जन्मातली पुण्ये मुलीच्या पावली आली ..!❤️

-