*ಕುಸುಮ ಷಟ್ಪದಿ*

ಮಂಜು ಮುಸುಕಿದ ಹಾಗೆ
ನಂಜು ಅಂತರಾಳದಿ
ಪಂಜಿನಂತೆ ಉರಿದು ಖುಷಿಯ ದಹಿಸಲು !
ಜಂಜಾಟದ ಬದುಕಿದು
ಅಂಜಬೇಡ ಯಾರಿಗು
ಬಂಜತನದ ಕಹಿಮನವೆ ತುಂಬಿರಲು !

ಕೆಲ ಕ್ಷಣಗಳೆ ಹೀಗೆ
ಛಲವು ಇರಲು ಜೀವನ
ಗೆಲುವಹಾದಿಯು ಚಿಮ್ಮಿತು ಭುಗಿಲಂತೆ !
ಬಲ ಕುಗ್ಗಲು ಬಾಳಲಿ
ನೆಲೆಕಾಣದೆ ಹೋದೆನು
ಅಲೆಮಾರಿ ಬದುಕು ತಿಳಿದ ಮುಗಿಲಂತೆ !

-

"ನೆಮ್ಮದಿಯ ನಾಳೆಗಾಗಿ",,,




👇👇👇👇👇👇👇
(Read Caption)

-

** ಮುಕ್ತಕ **

ಯುವಜನರ ಬದುಕಿನಲಿ ಉತ್ಸಾಹ ತುಂಬುತಲಿ ನವದಿನಕೆ ಬೆಳಕೀವ ಬೆಂಕಿಚೆಂಡಿವರು !
ಜವವಿರಲಿ ಗುರಿಯೆಡೆಗೆ ನಡೆಮುಂದೆ ಎನ್ನುತಲಿ ವಿವೇಕರಮರ ಜಗದಿ - ನೀಲಕಂಠ....

-

ಭಾಗ ೨

-

*"ಕಾಸಿನ ಗಿಡ''*




(ಅಜ್ಜಿ ಹಾಗೂ ಮೊಮ್ಮಗನ ಭಾಂದವ್ಯದ ಸಂಭಾಷಣೆ)

(Read caption)
👇👇👇👇👇
ಭಾಗ ೧

-

ಮಮತೆಯ ತೋರುತಲಿ ಪಾಲನೆಯ ಮಾಡುವಳು
ತಮವನೋಡಿಸಿ ತಾಯಿ ಬೆಳಗುತಲಿ ಬಾಳು
ಜಮಸೋತು ಶರಣಾದ ತ್ಯಾಗಮಯಿ ಸೇವೆಗೇ
ಅಮ್ಮ ಗೋಚರ ದೈವ - ನೀಲಕಂಠ....

-

'ಕೃಷಿಕ'ಟ್ಟಿದ ಖುಷಿ

ರೈತ ಅನ್ನದಾತ,,


👇👇👇👇👇👇
(Read caption)

-

* ~ ಮುಕ್ತಕ ~*

ಮನದಲ್ಲಿ ಮೂಡುತಿಹ ಬಯಕೆಯದು ನೂರಿರಲು
ಧನಕನಕ ಸರ್ವವನು ಕೊಂಡುಣಲು ತರವೆ
ಹೃನ್ಮನದ ಒಲುಮೆಯನು ಓಲೈಸೊ ಭಾವವಿದೆ
ಹೊನ್ನಿನಿಂದಸಾದ್ಯವು -- ನೀಲಕಂಠ...

-

ಜೀವನವದು
ಸುಖಮಯ,ಆದರೆ
ನಿರೀಕ್ಷೆ ಬಿಡು,,

ಬದುಕಿನಲಿ
ತಾಳ್ಮೆಯಿರಲಿ,ನಡೆ
ಕೋಪವ ಸುಡು,,,,

ಆಳಾಗಿ ದುಡಿ
ಅರಸ ನೀ, ಆದರೆ
ಆಸೆಯ ಬಿಡು,,,

ಬಯಸಿದ್ದೆಲ್ಲಾ
ದಕ್ಕದು,ಇದ್ದದುಂಡು
ತೃಪ್ತಿಯ ಪಡು,,,,

ಖಾಲಿಕೈ ಯಾತ್ರಿ
ಮರೆಯದೆ,ದೋಚಲು
ಹಕ್ಕಿಲ್ಲ ಬಿಡು,,,,

-

''💐ವೀರ ಧೀರ ರಕ್ಷಕ, ದೇಶ ಕಾಯೋ ಸೈನಿಕ💐'',,

ಬಿಸಿಲು-ಮಳೆಯೆನ್ನದೆ ಬಿರುಗಾಳಿಗೂ ಜಗ್ಗದೆ,
ಹಗಲು-ಇರುಳೆ ಆಗಲಿ ವೈರಿಪಡೆಗೆ ಅಂಜದೆ
ಕಣ್ಣಮುಂದೆ ಮೃತ್ಯುವಿರಲು ಎದೆಯನೊಡ್ಡಿ ನಿಲ್ಲುವ
ವೀರ ಧೀರ ರಕ್ಷಕ, ದೇಶ ಕಾಯೋ ಸೈನಿಕ,,,!!

ಸೋಲು-ಗೆಲುವು ನಂತರ, ಕಾಯಕವು ನಿರಂತರ,
ಪ್ರೀತಿ ಬುತ್ತಿ ಮನೆಯಲಿ, ದೇಶಸೇವೆ ಮನದಲಿ
ಆಸೆ ಅಳಿಸಿ ತ್ಯಾಗ ಮೆರೆದು ದೂರ ಸಾಗಿ ನಿಂತನು
ವೀರ ಧೀರ ರಕ್ಷಕ, ಗಡಿಯ ಕಾಯೋ ಸೈನಿಕ,,,!!

ಹುಟ್ಟು-ಸಾವು ಶಾಶ್ವತ, ಬಿಟ್ಟು ಹೋದೆ ನಿನ್ನ ಗುರುತ
ಹುತಾತ್ಮರ ಸಾಲಲಿ ನೀನೆಂದೆಂದಿಗೂ ಅಜರಾಮರ
ಏ ಖಾಲಿ ಕೈಯ ಸವಾರ, ದ್ವೇಷಬಿಟ್ಟು ಗೌರವಿಸು ಇವರು
ವೀರ ಧೀರ ರಕ್ಷಕ, ದೇಶ ಕಾಯೋ ಸೈನಿಕ,,,!!

-