Chalo fir ek aur saal beet gaya....
Ek kash ! Ek yaad ! Ek khwaab
aur ek umeed me beet gaya
beeta saal ka jashn aur ,
naye saal ki shuruwat
Fir se ek baar....
Ek kash ! Ek yaad ! Ek khwaab
aur ek umeed ke saath......❤️

-

Jab Dil thak Jaye na...
Lage koi sunne ko na ho...
Ek ekant me baithe jab tum khud se
Ye sawal kiye jaa rhe ho...???

Toh suno , apne alfazon ko kagaaz ke pannon me kaid kar lena.....
Shayad... tumhe wo khud se rubaroo krwa de
Tumhare sawalon ko ek jawaab de jaaye...

Tum thkna mat .... Tum likhti rahna
Yakeen mano ye kaagaz ke panne aur asmaan ka ye chaand tumhare ekant ke sabse achhe saathi honge...

Suno , jab Dil thak jaaye na...
Tum tutna mat ... Tum thkna mat..
Tum likhti rhna....

-

Sunya se chale ..manjil ki khoj pe
Aur manjil bhi mili sunya pe...

Chodd sabkuch idhar udhar bhtakta rha
Aaj ka pata nahi lekin kal ke liye ladta rhaa
Zindagi har Roz ek Jung si rahii
Aur maut mili toh sab sunya reh gayaa....

Sunye se chle manjil ki khoj pe
Aur manjil bhi mili sunya pe

-

Aey khusi tujhe kanha mai dhundu....?
Khoya bhi wnha jnha pe tha hi nahi tu....

-

Ban baagi khud se
Ek aas lagaye baithi hun
Ek raat ki subah ke
Intezaar me na jaane
Kitne diye jalaye baithi hoon....

Ho sakta hai ho sukun
ke talash me tum idhar udhar
Maine man ka maila or jiwan me
Shona dekha hai....

(Read Caption)

-

Mai... Main...Hun
Fir tum se tulna kyun....??

Agar 'tum' se tulna hai....
Toh fir mera 'main' hona kyun......?

-

Khayalon se azaad tum
Kazal si syahi lagai nigahon me...
Nazrein har baar kaid karna chaai tumhe
Or tum fir khayalon me uljh ke azaad hogaye...

-

Shaam khwaab sajaye baithi thi
Ki din dhale or chaand mere saath ho
Kuch pal ke liye hi sahi
Uski roshni raat se milne se phele
Usse choo ke guzre.....
Dekho na , dhalte din ke lalima odhe
Silwatte syah si kajal lagaye baithi hai
Shaam ek aash lagaye baithi thi
Shaam khwaab sajaye baithi thi.....

-

Shaam falak ek aash me rhta hai
Jab din dhalta hai....
Ummedon se bhra jivan me
Shaam ek kash ka Safar tay karta hai
Jab din dalta hai....
Asman ka chaadar odhe
Shaam falak ek aash me rhta hai
Jab din dhalta hai....

-

Agar likh dun sab kuch panno me

Toh alfazon or bhawnaon ka mol kya hoga???
Mehsoos Jo hote hai wo baatein
Mehaz baatein hoti hai....
Jo shabd bayan na kar sake ...
Kalam Jo ruk jaye pannon pe...
Jo mehsoos ho sirf aankhon se
Shayad wohi Ishq hai .....
Jo Maine mehsoos Kiya hai....

Apne ankhon se Ishq ko
Apne ankhon se tum ko.....

-