இரவின் அமைதி
இப்பொழுது தான்
உணரப்படுகிறது
நாம் நம்மோடு
இருக்கையில்...

-

தீரா மழையென
நம் காதல்
தீர்ந்து விடும்
தாகம் தணிந்ததும்...

-

நீ அருகில் வருகையில்
அமைதியான என் இதயத்திலும்
ஏதோ ஒரு சலசலப்பு...

-

வாழ்வின் வேதனைகளைப்
பிறரிடம் பகிர்ந்து
என்ன ஆகபோகிறது;
அவர்களின் ஏளனப்
பார்வைகளையும்,
சில அனுதாபச்
சொற்களையும் தவிர...

-

துக்கப்பட எதுவுமில்லை
துன்பம் தரும் சிலவற்றை தூக்கியெறிந்த பின்..

-

பல அடிகளுக்குப் பின்
பற்று உள்ளவற்றின் மீதும்
பற்றற்றே போகிறது...

-

சகாயனின் அருகாமை
சலிப்படைந்த இவ்வாழ்விலும்
சற்று ஆறுதலாயிருக்கிறது...

-

எண்ணங்கள் மாறும்போது
வாழ்க்கையும் மாறும்...

-

ஏற்காத அழைப்பாய்
என் காதல்
ஏமாற்றத்தில்...

-

ஒளி ஏற்ற நினை
இருள் தானே விலகிவிடும்...

-