ಬದುಕಿಗೆ ಬಂದು, ಬಂಧುರವಾದ ನಿನ್ನೊಡನಾಟದ ಬಂಧಕ್ಕಾವ ಹೆಸರು?

-

ಬೊಗಸೆ ಕಂಗಳೊಳು ಹುಟ್ಟಿದ ಕನಸುಗಳ ಪೋಷಿಸುವ ಕನಸಿಗೆ! ನಿರ್ಲಕ್ಷ್ಯಪೂರ್ಣ ನಿರುತ್ತರದ ಕೊಡುಗೆ ಸಮಂಜಸವೇ?

-

ಮನಕೆ ಮೈತ್ರಿಯ ಮತ್ತೇರಿಸಿ ಮತ್ತೆ ಹತಾಷೆಯ ಭಾರ ಹೊರಿಸುವ ಹುನ್ನಾರವಾದರೂ ಹೇಗೆ ಮಾಡಿದ್ದಿ?

-

ಒಲವಿಂದ ಒಲಿವ ಒಲವಿಗಾಗಿ ಹಪಹಪಿಸುವ ಹೃದಯವೇ! ಮತ್ತೆ ಮತ್ತೆ ಮೋಸ ಹೋಗದಿರು! ಇಲ್ಲಿ ಒಲವಿಗೂ ಒಂದು ಬಣ್ಣವಿದೆ! ಸುರಿವ ಮಳೆಗೆ ಮೈಯೊಡ್ಡಿ ನಿಂತು ರಂಗೇರಲಾರದೊಲವಿದು! ದೂರವಿರು..

-

ಮೋಸವರಿಯದ ಮನದಿ
ಮೂಡಿಬಂದ ಮೋಹ!
ಮನ ಮನಗಳ ಹೃದಯಪೂರ್ವಕ
ಮಿಲನ ಮೇಳೈಸಿ ಮತ್ತೆ ಮತ್ತೇರಿಸುವ
ನಿನ್ನ ಮೋಹಕ ಕಂಗಳ ಮೋಹಿ ನಾ..!

-

ಅವಳಿರದ ಏಕಾಂತದ ಪ್ರತಿ ರಾತ್ರಿಯ ನಿದಿರೆಯೂ ಒಂದು ಸರಳ ಸಾವು!

-

ಅವಳೆಂದರೆ!
ಎನ್ನೆದೆಹಾಡಿನೊಳು ಒದಗಿಬರುವ
ತ್ರಾಸವಲ್ಲದ ಪ್ರಾಸ..

-

ಅವಳೆಂದರೆ! ಆತ್ಮ ಸಂಗಾತಿ.. ಎನ್ನಾತ್ಮದೊಳು ಬೆರೆತು ಹೋದ ಸವಿ ಸಂಗತಿ..

-

ಅವಳೆಂದರೆ! ಎನ್ನೆದೆಯೊಳಗೆ ಅನುಕ್ಷಣವೂ ಅನುರಣಿಸಿ ಬೆಸೆದುಬಿಡುವ ಅನುಬಂಧದ ಸಂಕೋಲೆ..

-

ಅವಳೆಂದರೆ!
ಎನ್ನ ನೆಮ್ಮದಿಯ ನಿದಿರೆಯ
ಕಾವ ಕಣ್ರೆಪ್ಪೆ..

-