ಪ್ರೀತಿಯ ಹುಟ್ಟೇ ಹಾಗೆ! ನಿರ್ಲಿಪ್ತ ಭಾವಗಳ ಸುತ್ತಲೂ ಗಿರಕಿಹೊಡೆಯುತ್ತಲೇ ಹೃದಯಕ್ಕೆ ಹತ್ತಿರಾದವರಲ್ಲಿ ವಿಲಕ್ಷಣ ಭಾವವೊಂದು ಚಿಗುರುವ ಪ್ರಕ್ರಿಯೆಯದು..

-

ಬೇರೊಬ್ಬರ ಬಲವಂತಕ್ಕೆ ಕಟ್ಟುಬಿದ್ದು ತಪ್ಪು ತಪ್ಪು ಮಾರ್ಗದ ನಡೆದರೆ, ಮುಂದೊಂದು ದಿನ ಚುಚ್ಚಬಹುದಾದ ಕಲ್ಲು ಮುಳ್ಳುಗಳ ನೋವ ಸಹಿಸಬೇಕಾದದ್ದು ನಾವೇ! ಬಲವಂತವನ್ನು ವಿನಯದಿಂದ ತಿರಸ್ಕರಿಸಿ ಹೊರನಡೆವ ಧೈರ್ಯ ತೋರಲೇಬೇಕು..

-

ಬೆಳದಿಂಗಳಂಗಳದಿ ಸುಳಿದು ಬರುವ ತಂಗಾಳಿಯು ತನುವ ಸೋಕುವಾಗೆಲ್ಲ ನಿನ್ನದೇ ನೆನಪು! ನಟ್ಟ ನಡುರಾತ್ರಿಯ ನೀನಿರದ ನೀರವದೆ ಏಕಾ ಏಕಿ ಎದೆತಾಕಿ ಆವರಿಸುವೇಕಾಂತದ ಜೊಂಪು!

-

ಮನದ ಗಡಿಯೋ, ಮನೆಯ ಗಡಿಯೋ!
ಊರು, ಕೇರಿ, ಜಿಲ್ಲೆ, ರಾಜ್ಯ, ದೇಶದ ಗಡಿಯೋ! ಅಕ್ರಮ, ಅತಿಕ್ರಮ ಗಳನ್ನೆಲ್ಲ ಸಹಸಿ ಕ್ರಮಕೈಗೊಳ್ಳದೇ ಕೈ ಕೈ ಹಿಸುಕಿ ಕೊಳ್ಳುತ್ತ.. ಕಾದು.. ಕ್ರಮೇಣ ಪಶ್ಚಾತ್ತಾಪ ಪಡುವ ಬದಲು ಕಾದಾಡಿ ಕೆಟ್ಟವರಾದರೂ ಚಿಂತೆಯಿಲ್ಲ.

-

ಮೌನತಾಳುವ ಸಂವೇದನೆಯ ಸೃಜಿಸಿದ ಮಾತುಗಳು ನೀರವತೆಗೆ ಮನಸೋತಿವೆ! ಮೌನದಾಳ ಮಾತನ್ನೂ ಮೀರಿದರಿವಸೃಜಿಸಿದೆ..

-

ಶಾರದೆಯು ಶಾಂತ ಹಾಗೂ ನಿಷ್ಕಪಟ ಹೃನ್ಮನಗಳಲ್ಲಿ ನೆಲೆನಿಂತಷ್ಟು ಗಟ್ಟಿಯಾಗಿ, ಗರ್ವಿಗಳಲ್ಲಿ ನೆಲೆನಿಲ್ಲಳು. ಅವಳನ್ನು ಒಲಿಸಿಕೊಳ್ಳುವ ಪೂಜಾನುಷ್ಠಾನಗಳೆಂದರೆ ವಿನಯಪೂರ್ವಕ-ಪ್ರೀತಿ ಹಾಗೂ ಗೌರವಾದರಗಳು!
ನೆನಪಿಡಬೇಕಿರುವುದಿಷ್ಟೇ, ಬದುಕಿನುದ್ದಕ್ಕೂ ಕಲಿಕೆಯಿದೆ!
'' ವಿದ್ಯೆಯಲ್ಲಿ ದರ್ಪ ಮತ್ತು ಅಹಂಕಾರಗಳೆಂಬ ಪಠ್ಯವೇ ಇಲ್ಲ.''

-

ಕಿವಿಮಾತು:

* ಯೋಗ-ಯೋಗ್ಯತೆಗಳ ತುಲನೆಯಲ್ಲಿ ಯೋಗ್ಯತೆಗೇ ಮೊದಲ ಪ್ರಾಶಸ್ತ್ಯ! ವಿದ್ಯೆ - ವಿನಯಗಳಲ್ಲಿ ವಿನಯಕ್ಕೆ! ಹಣವೋ ಗುಣವೋ ಎಂಬ ಪ್ರಶ್ನೆ ಬಂದಾಗ ಗುಣವೇ ಮೊದಲು!
* ಅಲ್ಪವಿದ್ಯಾ ಮಹಾಗರ್ವಿ ಎಂಬ ಧ್ಯೇಯವಾಕ್ಯ ಸರ್ವಕಾಲಕ್ಕೂ ಪ್ರಸ್ತುತ! ಗರ್ವದಿಂದ ದುರ್ಗತಿಯೇ ಹೊರತು ಸದ್ಗತಿ ದೊರಕದು..
* ತುಂಬಿದ ಕೊಡ ಎಂದೂ ತುಳುಕದು. ಎಂಬ
ಮಾತಿನಂತೆ ಬದುಕೋಣ...
* ಅಹಮಿಕೆಯ ದೂರವಿರಿಸಿದಷ್ಟೂ ಅಧೋಗತಿಯ ದಾರಿ
ದೂರ! ಎಂಬುದನೆಂದೂ ಮರೆಯದಿರೋಣ.

-

ಸೋಗಿಲ್ಲದೇ ಸೊಗಸಾಗಿ ಸಾಂಗತ್ಯವಹಿಸಿ ಜೊತೆಯಾಗುವ ಸಂಗಾತಿ! ಪುಸ್ತಕ ಮಾತ್ರ.

-

ಅವಳೆಂದರೆ! ನೆನಪಾದರೆ ಸಾಕು, ಬಿರು ಬೇಸಿಗೆಯಲ್ಲೂ ಬೀಸಿ ಬರುವ ತಂಪು ತಂಗಾಳಿ..

-

ಮೋಡ ಕವಿದಾಗ ಮರೆಯಾದರೂ ಒಲವ ನಕ್ಷತ್ರ ಚಿರಂತನ!

-