🍀☘️🍀 నరహరి నిత్య నిపఠము 🍀☘️🍀
9⃣6⃣0⃣
సముద్రం బయట నుంచి చూడటానికి ఎంత అందంగా కనబడుతుందో
అంతర్గతంగా ఎన్నో ఆటుపోట్లకు నిలయంగా ఉంటుంది...
బడబాగ్ని సముద్రగర్భంలో ఉంటుందంటారు.
జీవితాన్ని సముద్రంతో పోలుస్తుంటారు...
జీవనసంద్రం కూడా అన్ని రకాల సుఖసంతోషాలు
కష్టనష్టాల సంగమం అని చెప్పవచ్చు.
జీవితంలో కష్టనష్టాలు కానీ సుఖసంతోషాలు కానీ ఏవీ శాశ్వతంగా ఉండదన్న సత్యం నీవు తెలుసుకోవాలి.
ఏది ఎలా ఉన్నా... ఏదెలా వచ్చినా ప్రతిదాంట్లోనూ నీవు ఆనందాన్ని వెదుక్కోగలిగితే నీకు ఏదీ సమస్య కాదు.
చీకటి ఎంత కప్పేసినా ఆకాశంలో తారలు మెరుస్తూనే ఉంటాయి... భూమ్మీద మిణుగురు పురుగులు
తమ వంతు వెలుగును చిమ్ముతూనే ఉంటాయి.
నీవూ అంతే!... ఎటువంటి ప్రతికూల పరిస్థితులు ఎదురైనా
ఆ కాస్త సమయం ఓపికతో వ్యవహరించి
ఆత్మవిశ్వాసంతో నీదైన ఆత్మస్థైర్యంతో నీ చుట్టూ సానుకూల వాతావరణాన్ని సృష్టించుకొని నీవు సంతోషంగా ఉండటమే కాక
చుట్టుపక్కల సంతసపు వెలుగులు పంచుతూ ఉండు.
✍️నరహరి రావు బాపురం✍️ అనంతపురము 05- 05- 2024
-