மறக்க முடியாத சில வலிகளையும்,
மறைத்து வாழத்தான் வேண்டும்.. 🙂

-

கனவில் வந்து,
காதலை மட்டுமல்ல,
கவிதைகளையும் தந்தவளை,
காரணமில்லாமல் தேடுகிறேன்,
கனவும் நிஜமும் வேறென்பதை மறந்து...

காலங்கள் கடந்தும்,
இன்னும் தேடி கொண்டு இருக்கிறேன்,
கானல் நீரில்,
காதல் மீன்களை...

-

என்றோ செய்த
தவறின் தண்டனையும்,
என்றோ செய்த
உதவியின் பலனும்
எது எப்படியோ
தன்வினை தனக்கே...

-

நீதான் எ‌ன்பவ‌ர்கள்,
உடனே காணாமல் போகும்,
காரணம் தான் என்னவோ?..

இயந்திரமான உலகில்,
நாம் வேறென்ன எதிர்பார்க்க...

-

காத்திருப்பு நீண்டாலும்,
காதல் என்னும் என் கவி,
காட்சிப்பிழை ஆகாது,
காந்தவிழியே...

-

முடிவு அழகானது தான்,
மூன்றாம் பிறையாய் என் காதல்,
முடியாமல் இருந்தால்...

-

நினைவுகளாய் நீ மாறிப் போக,
நிம்மதி இது தான் என்று,
நில்லாமல் ஓடும் என் வாழ்வு...

-

நித்திரையில் தினமும்,
நிஜங்களை மறந்து,
நின்னை என்னவளாக,
நினைக்கும் நான்-விரும்பாத
நிதர்சனம்...

-

என் முதல்காதல்,
சொல்லாமல் இருந்ததால் தான் ஏனோ,
இன்னும் பொக்கிஷமாய்,
அழியாத பொக்கிஷமாய்,
எந்தன் ஒருதலைக்காதல்...

-

மங்கிப் போகும்,
மையல் கொண்ட,
மன்னவனின்,
மங்கை முன்பு...

-