ഏത് അവസ്ഥയിലും നിറം മാറാതെ കൂടെ നിൽക്കുന്ന സുഹൃത്തിനേക്കാളും മികച്ചതായി മറ്റൊന്നില്ല.

-

ഒരു കാര്യം നേടണമെങ്കിൽ ഒരുപക്ഷേ ഒന്നിലധികം കാര്യങ്ങളെ ഒഴിവാക്കേണ്ടി വരും അല്ലെങ്കിൽ മാറ്റിവെക്കേണ്ടി വരും.

-

പരിഹാരം പ്രതിഫലദായകം ആണ്. പക്ഷേ, അതിന് പ്രതിബദ്ധതയുള്ള പരിശ്രമം ആവശ്യമാണ്.

-

നന്നായി മനസ്സിലാക്കാതെ ഹൃദയത്തിൽ സ്ഥാനം നൽകരുത്. സൂക്ഷ്മത ഇല്ലാതാകുമ്പോഴാണ് സമാധാനം നഷ്ടമാകുന്നത്.

-

ഇന്ന് മറന്നത് എല്ലാം നാളെ ഓർത്തെടുക്കാൻ കഴിഞ്ഞേക്കാം. പക്ഷെ, ഇന്ന് നഷ്ടപ്പെടുത്തിയത് നാളെ തിരികെ ലഭിച്ചെന്ന് വരില്ല.

-

തെറ്റ് ചെയ്യുന്ന സമയത്ത് അതിൻ്റെ ഭവിഷ്യത്തുകളെ കുറിച്ച് സ്വയം ചിന്തിക്കാൻ കഴിഞ്ഞാൽ തെറ്റിനോടൊരു വിരക്തി തോന്നിത്തുടങ്ങും.
പുറമേ നിന്നു ലഭിക്കുന്ന ഉപദേശങ്ങൾക്കല്ല അകമേ ഉടലെടുക്കുന്ന തീരുമാനങ്ങൾക്കാണ് ഒരാളെ രൂപാന്തരപ്പെടുത്താനാകുക.

-

എന്തിനേയും സ്വന്തം സമയപരിധിക്കുള്ളിൽ തളയ്ക്കാൻ ശ്രമിക്കുന്നവർക്കു ജീവിത സമ്മർദ്ദം ഏറിയിരിക്കും. എല്ലാറ്റിനും അതതിൻ്റേതായ സമയം അനുവദിക്കുന്നവർക് സമാധാനവും.

-

ശാന്തമായതിലെല്ലാം തെളിമയുണ്ടാകും, അതിന് ശാന്തമായ അപഗ്രഥനങ്ങളും ആവശ്യമാണ്. ഒന്നു ശാന്തമാകാനും പുനർചിന്തിക്കാനും സമയം കണ്ടെത്തിയാൽ അതി വൈകാരികതയിൽ നിന്നും ഉടലെടുക്കുന്ന പല അപകടങ്ങളിൽ നിന്നും രക്ഷ നേടാനാകും.

-

ഒന്നിലും പ്രത്യേക ശ്രദ്ധയില്ലാതെ എല്ലാം ഒരു പോലെ കൈപ്പിടിയിൽ ഒതുക്കാൻ ശ്രമിക്കുന്നവർക്ക് ഒന്നിൻ്റേയും പൂർണ്ണത അനുഭവിക്കാൻ കഴിയില്ല. ആളുകളേയും അനുഭവങ്ങളേയും വേണ്ട വിധം മനസ്സിലാക്കാനാവാതെ പോകുന്നത് ദൃഷ്ടിസ്ഥിരതയില്ലായ്മ മൂലമാണ്. കാഴ്ചകൾ വികൃതമാകുന്നത് വസ്തുക്കളുടെ സങ്കീർണ്ണത കൊണ്ടാകണമെന്നില്ല; കണ്ണുകളുടെ അനിശ്ചിതത്വം കൊണ്ടുമാകാം.

-

മനസ് അസ്വസ്ഥമാണെങ്കിൽ കാഴ്ച അപൂർണ്ണമായിരിക്കും. പൂർണ്ണത കൈവരിക്കുന്നത് വലിയ കാര്യമാണെങ്കിലും ചെറിയ കാര്യങ്ങളിലെ അശ്രദ്ധയും അവിവേകവും അതു നഷ്ടപ്പെടുത്തി എന്നു വരാം.

-