'Shiddat karo itni ke muqammal ho jahan tumhara ,
Ae habeeb , Mehnat se na-khauf rehna ke yahi toh banega Vaseela tumhara.'

-

'Shukr karein ke inaayatein hain ap par itni ,
Shikayaton ne kahan daaman chorhna tha warna.'

-

Sabr se , ho jaatey hain pur-sukoon ,
Ke Jald-baazi kab kisi ke kaam aayi hai !

-

'Na chhorhna saath tum mehnaton ka ,
Ke na hoga koi bhi
Tumhari kaamyabi ka sabab ,
Hogey to sirf tum.'

-

' Tawaqqo rakhein,
Lekin zehen mein rakhein ,
Ye asar bhi karti hain aur hashr bhi.'

-

'Intezaar mein hai qalb-e-iztiraar ,
Ke tumhaare aane par hi sukoon hoga.'

-

Khush raha karein janaab ,
Lekin apne aap mein .
Ke duniya khush rakhegi ,
Ye ghalatfehmi hai tumhari.

-

'Kaagaz-sa saaf rakho tum dil ,
Ke tohmat ki siyahi ziddi hoti hai.'

-

'Muskurane ki wajah dhoondhne mein,
Bhool na jaiyega jo wujood hai.'

-

Azaadi ho par khayaalon ki ,
Azaadi ho par na ho koi paymana uska,
Ke azaadi haq hai , ehtaraam karo uska.

-