ഒന്നോർത്തു നോക്കൂ.. ഒരാളെ കുറിച്ചു, അല്ലെങ്കിൽ ചില നേരങ്ങളെ കുറിച്ചു നമ്മളാലോചിക്കുമ്പോൾ നമ്മുടെ ഓർമകളിലേക്കെത്തുന്ന ചില ഗന്ധങ്ങളില്ലേ..ഗൃഹാതുരമായ ചില ഗന്ധങ്ങൾ.. എത്ര കാലം കഴിഞ്ഞാലും നമ്മളെ വിടാതെ പിന്തുടരുന്നവ..✨

-

"ഒരു പക്ഷേ അയാളൊരു തുരുത്തായിരുന്നിരിക്കണം...എല്ലാ വേദനകളെയും മറമാടിയ ഒറ്റപ്പെട്ട ഒരു തുരുത്ത്"

-

നോക്കൂ..മദീനയിലെന്നും വസന്തമാണ്..
ഹൃദയങ്ങളിൽ നിന്നും ഹൃദയങ്ങളിലേക്ക് കൈമാറുന്ന പ്രവാചകസ്നേഹത്തിന്റ പ്രകാശ രേണുക്കളായി അതോരോ വിശ്വാസിയുടെ ശ്വാസകണികയിലും നിലക്കാത്തൊരു പ്രവാഹമായി നിലകൊള്ളുന്നു..
അവിടുന്ന് പറയുന്നു: ('അന മിൻ നൂരില്ലാഹ്, വ കുല്ലു ശൈഇൻ മിൻ നൂരീ...')
'ഞാൻ അല്ലാഹുവിന്റെ പ്രകാശമാണ്,
എന്റെ പ്രകാശത്തിൽ നിന്നാണ്
എല്ലാം ഉണ്ടായത്.'
അല്ലാഹുവേ..അനശ്വരമായ.. ആർദ്രമായ പ്രകാശമേ..ഇഷ്‌കിന്റെ ആ മരുപ്പരപ്പിൽ ഈ ആശിഖീങ്ങളെയും അണയാനനുവദിക്കണേ.. ❤

-

"വാക്കുകളെത്രമേൽ മൗനത്തിന്റെ മുഖപടമണിയുന്നുവോ, അത്രമേലാഴത്തിൽ ബന്ധങ്ങളും വിദൂരങ്ങളിലേക്ക് യാത്രയാകും"

-

പ്രിയപ്പെട്ടവളെ...
ഹൃദയം ഹൃദയത്തോട് ചേർത്തുവെച്ച ഒരു വർഷത്തിനിപ്പുറം നമ്മുടെ പ്രണയവും ഒരേ കാലം പിന്നിട്ടിരിക്കുന്നു..

ഓർമകളിൽ നാം ചേർത്തുവെച്ച നല്ല നിമിഷങ്ങൾക്കും നാം പങ്കുവെച്ച സ്വപ്നങ്ങൾക്കും ഒരേ വയസത്രെ..

നാം ഒരുമിച്ചു നനഞ്ഞ മഴകളും കൈകോർത്തു നടന്ന വഴികളും
പങ്കു വെച്ച പ്രണയവും അതു സംഭവിച്ച അതേ നിമിഷത്തെ അത്രമേൽ ഓർമിപ്പിച്ചു കൊണ്ട് എന്നിൽ നിലനിൽക്കുന്നു എന്നതിനപ്പുറം ഈ നിമിഷത്തിൽ ജീവിതത്താളുകളിൽ തുന്നിച്ചർക്കാൻ എനിക്ക് മറ്റൊന്നുമില്ല...

നാമൊരുമിച്ചിനിയുള്ള കാലവും ഇതിലുമെത്രയോ മനോഹരം❤️

-

"അക്ഷരമാണ് ആകാശമാണെന്നതിനാൽ ഭയക്കാതെ പറന്നോളിൻ"

-

ഒരു തിരയോടെങ്കിലും
ഒരുമിച്ചൊരു
കഥ പറയണം..
ഒരിക്കലെങ്കിലും കൈകൾ
കോർത്തു കാട് കേറണം..
കേട്ട് കൊതിച്ചൊരു
പുസ്തകമെങ്കിലും
പങ്കിട്ടു വായിച്ചു തീർക്കണം..
എഴുതി തീരില്ലെന്നോർത്ത്
ബാക്കിയാക്കിയതിൽ
നിന്ന് ഒരു കുഞ്ഞ് കവിതയെങ്കിലും
പിറവി കൊള്ളണം ..
ഒരു രാത്രി എങ്കിലും
നിനക്കൊപ്പം
മഴ പുതച്ചുറങ്ങണം
ഒരു മനുഷ്യനെങ്കിലും
ചിരി കൊടുക്കണം..
കൂട്ടാവണം..
.. പ്രിയപ്പെട്ടവളെ..
നിന്നെ പ്രണയിക്കാൻ
എത്രയെത്ര കാരണങ്ങളാണ്...

-

പ്രിയപ്പെട്ടവളെ...
എത്രമേലാഴത്തിലാണ് എന്നിലേക്ക് നീ പ്രണയത്തിന്റെ വേരുകളാഴ്ത്തിയെന്നത് നീയറിയുന്നുവോ... ആയുസ്സിന്റെ പുസ്തകത്തിൽ ഇതു വരെ ഞാനനുഭവിച്ച എല്ലാ വസന്തങ്ങളെക്കാളും മനോഹരമാണത്രെ അത്‌..❤️

-

"വിരൽത്തുമ്പിൽ ചലിക്കുന്ന തസ്ബീഹിന്റെ ചാരെ ഒരാളുടെ പ്രാർത്ഥനകളിൽ നിറഞ്ഞു നിൽക്കുക എന്നതിനപ്പുറം മറ്റെന്തു ഭാഗ്യമാണ് നമുക്ക് നേടാനുള്ളത്"

-

"പടച്ചോന്റെ കണക്കുപുസ്തകത്തില് ഓരോരുത്തരുടേം പേരിന്റെ നേരെ മറ്റൊരാളുടെ പേര് നമുക്കായിട്ട് മൂപ്പര് തന്നെ എഴുതി വെച്ചിട്ടുണ്ട്.. നമ്മളയാളെ കാണണമെങ്കിൽ പ്രണയം തൊട്ട് മെല്ലെ മെല്ലെ താള് മറിച്ചെത്തണമെന്ന് മാത്രം"

-