முடிந்து வைத்த வார்த்தைகளை
கொட்டித் தீர்த்தேன்
இருந்தும் எனை விட்டுச்சென்றதேனோ !

-

அரவணைத்தேன்
உன்னை எண்ணி
தலையணையை !

-

நான் உன்னைத் தேட
நீ என்னைத் தேட
முடிவுற்றது இரவின் தேடல்களும்
விடைபெற்றது நம் ஆசை ஊடல்களும் !

-

வயதோடு ஒத்தது அல்ல
வாழ்வியலோடு
தொடர்புடையது !

-

மருந்தாய்
முடிவுற்ற உறவுகளுக்கு
இணையாய்
முடிவிலா பயணங்களுக்கு
துணையாய்
அவள்...!

-

மனம் நிறைய உன் நினைவலைகளாய்
அலைகளோடு கரைசேர
எத்தனித்தவனாய் அனுதினமும் !

-

மிளிர்கிறாய்
நிலவின் அழகை மங்கச் செய்து
உன் பேரழகால்..!

-

வாழ்வியலை சிதைத்து
அகப்பட்டுக் கொண்டோம்
கையடக்க சிறையில் !

-

கொண்டாடினேன்
வெற்றி கிட்டியது போல் எண்ணம் கொண்டு !
வெற்றி வசப்பட்ட பின்
இன்றும் கனவுலகிலேயே கொண்டாடுகிறேன்
அங்கீகரிக்க மறுக்கும் சக மானுடர்களால் !

-

இருந்த வேகமும் அவாவும்
அதை அடைந்த பின்பு ஏக்கம் கொள்கிறது
அங்கீகரிக்க மறுக்கும் உலகில் !

-