शु भ स का ळ !
वंदन मानवतेला करावे
क्षण चार माणसाने जगावे
जीवन इतरांचे फुलवावे
दर्शन आपुलकीचे मिळवावे.

-

तुझा तो गुलाब
अजूनही कवितेच्या वहीत आहे
त्याच्या मोहक सुगंधात
अवघे जीवन दरवळत आहे.

-

विजयादशमीचा संदेश
अंतिम सत्य अधोरेखित करतो
सद्भावनेने युद्ध लढले तर
शत्रूचा विनाश अटळ असतो.

-

दसरा शिकवतो आम्हांला
शत्रू कितीही बलवान असो
पण तो स्त्रीवर अन्याय
करीत असेल तर
सत्प्रवृत्तीकडून त्याचा
सर्वनाश होतो.

-

विजयाची पताका
सत्यप्रिय जगण्यात
रामराज्याची सार्थकता
विरहातील युगायुगात.

-

प्रिय शास्त्रीजी !
तुमची मूर्ती लहान पण कीर्ती महान
तुमची अनमोल गहिरी आठवण
असामान्यपणाचे महान लक्षण
तुम्हांला जयंतीनिमित्त मनोमन वंदन!

-

प्रिय बापू !
तुमच्या प्रांजल आठवणीं
आजही भक्तांना प्रेरणा देतात
खडतर वाटेवरील प्रवासात
सत्याची भावना जागवतात

तुमच्या व्यक्तिमत्त्वाच्या प्रतिमा
सा-या विश्वात अधोरेखित होतात
मनमंदिरातील मंगलमय गाभाऱ्यात
साधेपणाच्या प्रकाशात उजळतात.

-

शु भ स का ळ !
विजयाची पहाट
आनंदात उगवते
उत्सवाची पहाट
मांगल्यात बहरते.

-

कृतज्ञतापूर्वक आभार !...
१ , ६ ० ० फाॅलोअर्स यांनी
कवितेवर नितांत विश्वास दाखवल्याबद्दल
मनःपूर्वक...हार्दिक आभार !
आपल्या अनमोल लाईक्स...कमेंट्स...
टेस्टीमोनियल...गिफ्ट...
अधिक चांगले लेखन करण्यास
ऊर्जा देतात!
❤️🌻🙏🏻

-

आई तुझ्या कृपेने
सगळी मनोरथे पूर्ण व्हावी
प्रांजल ...निर्मल भावनेत
यशाची फुले बहरावी
दुष्काळग्रस्त पोशिंद्याची
सगळी दु:खे दूर व्हावी
कवींना वास्तव रेखाटण्यास
तू अंतर्यामी प्रेरणा द्यावी.

-