ஏங்கித் தகிக்கும்

ஏகாந்த நாளில்.,

என் சுயஞ் சூரையாடும்

நின் சூரியச் சிரிப்பில்

வெம்பித் திமிர்வதே

தீராக் காதல்!

-

எட்டுத்திக்கும் எட்டிச்சென்றாலும்

தாய்க்கும் தாய்மொழிக்கும்

பற்றோடிருத்தலே இப்பிறவிப்பயன்!

-

தீர விசாரிப்பதற்காய்
நம் இதழ் சண்டையில்
இடைப்புகும் நுன் திடீர்
விழிக்காவலாளிகளால்
தவிர்க்கப்படுகின்றன
லிப்லாக் டெத்கள்!

-

பாதித் தூக்கத்தின் விளிம்பிலேனும்

மீதி முத்தத்தையும் விளம்பிவிடு!

விடிவதற்குள் விளங்கட்டும்

இச்சந்திரயிரவின்

சாராம்சம்!

-

அறிந்த முத்தங்கள்
சிறு ஆயிரமிட்டு.,
நம் ஆயுளும் சேர்த்தே
கூட்டுவோம் வா!

-

வேகமாய்க் கடந்த பின்னர்
நீ நழுவவிட்ட மென்சிரிப்புகள்
உரைக்கும் பொழுதோ.,
ஆக்ஸிடோஸினின் அளவு கூட்டும்
கூகுள் தேடலைத் தவிர்த்து
வேறென்ன நான் செய்ய!

-

பசுமை பாசான்களின்

காதல் குளிர்ச்சியில்

நனைந்து நெகிழ்கிறது

நின் நினைவுத்

தவளைகள்!

-

உன்னில் வீழ்ந்த பின்
பகிரப்படும் என்
வெட்கங்கள் யாவும்
வடிவங்களுள் அடங்காத
வாஞ்சையின் வார்ப்புகள்!

-

கட்டியுறங்குகையில்
காது மடல் தீண்டி
பின்னங்கழுத்தின்
பாதி வரை சென்று
ஜீவன் புதுப்பிக்கும்
உன் மூச்சுக்காற்றின்
வெப்பச்சுவடுகள்.,

அடிக்கும் வெயிலிலும்
ஆத்மார்த்தமானவை!

-

தேடலுக்கான வழிப்பாதையில்

தேங்கிக்கிடக்கும் வினாக்களுக்குத்

தோதான விடைவொவ்வொன்றின்

தேர்விலும் உன் விருப்பிற்க்கான

தேடலும்!

-