ભાગેલા પગે પણ ઊભી છે અડીખમ
લઈ ધૈર્ય ને ઈશ્ વિશ્વાસ સંગ,
હા જરા કદ માં થોડી માત ખાઈ જાય
પણ પર્વત ને ઝુકાવ્વા સક્ષમ હર ક્ષણ,
આત્મ વિશ્વાસ નું એ બીજ છે
એની પાછળ તો સ્વયં યોગેશ્વર પણ કાર્યરત છે,
ગૌરવ ને અસ્મિતા ની તિજોરી એ
કોમળ ઘાસ પર પ્રસરતું એ ઝાકળબિંદુ છે,
ગુલાબ જેવી મુલાયમ એ
ને મિતુ કહે, કાંટા જેવી ધારદાર પણ એ...

-

નોખું રહ્યું આ વર્ષ,
કહેતું ગયું ડિગ્રી તો છે બસ ,
કાગળ ની પસ્તી
પણ અનુભવ છે,
એક વિશ્વાસ ની ડગરી

-

આજ શબ્દો ઉમટી રહ્યા છે કઈક લખવા ને કાજ,
હદય થયું છે ભારી ભરખમ આજ,
રૂદિયા નું એ રુદન છે ના અશ્રુ ની એ ધાર
નથી પ્રેમ કોઈ પર છત્તા છે લાગણી નો વરસાદ,
અફસોસ એનો નથી કે હું કરી ન શકી
પણ દુઃખ એનું છે કે જેટલી કરી મહેનત એ ફળી ના શકી
ખુદ થી જ હું નિરાશ છું
ખુદ ને ખિલ્વી ને મૂકી ન શકી
મિતું કહે, જેવી હદયરાજ કૃષ્ણ ની ઈચ્છા
કેમ કે એજ તો કહેનાર છે कर्मणयेवाधिकारस्ते
તો હવે શાનો તને અંધકાર છે
જગત નો નાથ તારી સાથે છે सर्वस्य चाहं हृदि सन्निविष्टो નો જ તો હવે ટંકાર છે

-

ધણા છુપાયા રૂદિયા માં અંધકાર
એક દીવો કરી એને તું અજવાળ,

એક મીઠી સ્મિત કરી અંતર ને ધબકાર
જૂના વર્ષે કરેલા ગોલમાલ ના કર તું ફરી વાર,

નવા વર્ષ ની એક જ આશા
ગયા વર્ષ કરતા વધારે બને ઊજળું,

ને દરેક દિલ માં એક દીવો કરીએ
ને હૈયા માં હરખ થાય,

એક નવી ઉમ્મીદ ને નવા ઉત્સાહ સાથે ....
બધા ને નવા વર્ષ ના રામ રામ
જય શ્રી કૃષ્ણ 🙏

-

દિવાળી આવી દિવાળી આવી,એક નવી ઉમીદ લાવી,
જ્યોત નવી સળગાવી ને,કાળી રાત અજવાળી,
એક મેક ને સાથે થઈ ને ,ઘર ની સાફ સફાઈ કરાઇ,
ક્યાંક સાંતળેલા પત્રો ને ક્યાંક,
જૂના આલ્બમ મળી આવ્યા
જાણે હમણાં વીતેલા પળો છે
એ યાદ કરાવ્યા,
ફટાકડા નો ફ્ટ ફટ એ મને લાગતો
જાણે સંગીત નો લય તાલ છે,
કર્યું ઘર ભેગા મળી સાફ
તો દિલ અને દિમાગ માં એ
સાવરણી ફેરવી આવીએ,
ને જામેલા કરોળિયા ના જાળ
ને મન ની કડવાશ દૂર કરી દઈએ,
ક્યાંક કોઈ ને માફ કરી એ
ને ક્યાંક ક્ષમા માંગી લઈએ,
ને દરેક દિલ માં એક દીવો કરીએ......

-

હદય ના તહખાના માં ઘણી ખાનગી વાતો પડી છે,
પૂછવા વાળા તો ઘણા છે
પણ કોઈ ની જોડે સમય ક્યાં પડ્યો છે,
ક્યાં કહી એમણે એમના દુઃખ ની વાત
પૂછ્યું તો ઘણી વાર હતું જાણવા એમના મન ની વાત
દર વખત જવાબ માં "મજામાં છું ".
ક્યાં હતી કઈ જુદી ભાત,
ખૂટતું હશે મારા માં કઈ પૂછવા માં એના હદય ની વાત,
મિતુ કહે , પૂછો એને પ્રેમ થી માતૃત્વ ના વાત્સલ્ય થી
એ પણ બેઠો છે કહેવા તૈયાર,
જોઈએ છે એને સમય ને વ્હાલ,
તો હસે તમારા ખોળા માં એનું માથું ને અશ્રુ ની ધાર......

-

મોટી મોટી બિલ્ડિંગ પાછળ સંતાયો તું,
તો એ અણસાર આપતા કેસરી, ગુલાબી
રંગ વિખરવતો તું,
છે તો તું સ્થિર તો એ લાગતું
મારી સાથે હાલતો તું,
તને ઢળતો જોઈ ઘરે પાછા ફરતા
પક્ષી ઓ ના ઝૂંડ ને મંદિરે વાગતા ઝાલર ને ઘંટ,
તને ઢળતો જોવા પ્રેમી પંખીડા ઉત્સુક છે
કોરો કાગળ ને પેન લઈ કવિ પણ તૈયાર છે,
મિતુ એ કહ્યું હે સમી સાંજ ,
મારે કંઈ લખવું છે પેશા થી કવિ તો નથી
પણ મારી કલમ તૈયાર છે
આપ મને શબ્દો કઈક મજા ના કે
બની જાય એક અદભૂત "રચના"

-

જિંદગી લાઇટ્સ કેમેરા એક્શન વગર નું પિક્ચર છે
પડદા પર રોજ અલગ મારા કિરદાર છે
જો એ કિરદાર હિટ જાય તો હું "hero "
ફ્લોપ જાય તો હું જ " villen"

-

પાંજરા માં કેદ રહી ને ઊડવા ની વાત ના કરાય,
હિંમત સંજોવી પાંજરું તોડી
ખુલ્લા આકાશ માં જરૂર ઉડાય,
કેદ મા ક્યાં છે કોઈ ની સાથે
તો કા બિવે એકલતા કાજે,
મિતુ કહે, એક વાર પાંખ ખોલી ને તો જો,
બધી બંધિશો ને તોડી ને તો જો,
એક નવા સફર ની ઉડાન તૈય કરી ને તો જો,
તારા મન ને ફંફોડી એ કે છે એ કરી તો જો,
આંખ બંધ કરી નવું સપનું તો જો,
બહાર ના આકાશ નું એક નજરાણું તો જો,
મજા આવશે તને તારા મન નું કરવામાં,
એક વાર પાંજરું તોડી ને તો જો,
એક વાર પાંજરું તોડી ને તો જો............

-

મન માં ને મન માં ગણા વિચારો ને ગુંથી લઉ છું
કલમ થી કાગળ પર ઉતર્યા પહેલા જ ભૂલી જાઉં છું
ને બસ ત્યાં જ મારી કવિતા દમ તોડી દે છે
ઘણી કવિતા વિચાર્યા પહેલા ને
ઘણી કવિતા બન્યા પછી
પોતે ક્યાંક આપઘાત કરી દે છે
વિચારો માં એક રૂપ વાળી ને
બહાર નીકળી ને એક નવા સ્વરૂપ વાળી
મારી કવિતા,
ક્યાંક અધુરી ને ક્યાંક બંધ ચોપડાં માં પડી રહેલી
મારી કવિતા,
મારા વિચારો ને નવું સર્જન આપતી એ
મારી કવિતા,
મિતું કહે....,,
ક્યાંક લાગણી ના રસ થી ને
ક્યાંક વિચારો ના વંટોળ થી લખાતી
મારી કવિતા.

-