உன்னிடம்
எதிர்பார்ப்புகளே இல்லை என்றும்,

நீ எதிர்பார்ப்பதை
எல்லாம் நிறைவேற்றுவேன்
என்றும்,

போலி வேடம் புனையாமல்,

உன் எதிர்ப்பார்ப்பை
நான்
புரிந்து கொண்டேன்
என்று மெய் உரைத்தமைக்கு நன்றி!

-

மேகமே,
நீயும் பெண் தானோ?
தன்னிலை மறத்தல்,
மறந்த பின்னும் தேடுதல்,
தேடித் திரட்டி புதுப்பித்தல்,
உயிர் அளித்தல், உணவளித்தல்,
ஒன்று கூடி மகிழ்தல்,
ஒலி எழுப்பி அழுகையில்
வான் இடித்து இறங்குதல்,
இன்னும் பல,
இன்னும் பல.

உன் உலகமும்
பெண் உலகம் தானோ?

அவ்வப்பொழுது நிசப்தமாக கண் கசக்குவது,
உன் வழக்கத்திலும் உண்டோ?

அடை மழைக்கு ஒதுங்கி நிற்போர் அனைவரும்
தூறலை திரும்பி பார்ப்பாரோ?
ஓ மேகமே!

-

வேர்
தன்னோடு
வந்தாலும்
தாய் மண்ணை நினைத்து ஏங்குமாம்,
தொட்டியில்
இருந்து
தோட்டத்திற்கு இடம்பெயர்ந்த
செடி.

-

ஆகச்சிறந்த அன்பு எது?

ஒரு தாய் மீது
அவள் சேய்
கொள்வது.

கண்டதும் பொங்கி
வரும் காதல்
என்றாலும் எதிர்பார்ப்புகளை
சுமந்து
நிற்கிறது
ஒரு தாயின் அன்பு!
இனம், நிறம், உடல், எடை,
இன்னும் சில,
இன்னும் சில.

காணும் முன்னரும்,
கண்ட பின்னரும்
எதிலும் மாறாத,
எதையும் எதிர்பாராத
ஒரு சேயின் அன்பே
அந்த கடவுளின் காதல்.

-

தேடல் முற்றும்
இடத்தில்
தொலைந்ததோ
இமைகள்?

செல்ல மகள்
வருகையால்
முற்றியது என் தேடல்,
அன்றுமுதல்
இன்று வரை
இமைக்க
மறுக்கும் விழிகள்.

-

நெல் மணியோ உன் கண்கள்,
நீ விழிக்கும்
போதெல்லாம்
என் நேரம்
பயிராகிறதே!

-

நீண்ட நெடிய
பயணமோ,
கடக்க முடியா
தூரமோ,
கரம் பிடித்து சில நேரம்,
வழி மறந்து சில நேரம்,
விரைந்தது,
ஒன்றன் பின்
மற்றொன்று,
ஆகாயம் தாண்டி.

மேகமும், பறவையும்,
தம் வீடு தேடி!

-

அன்று
தேடல் தொடங்கும் முன்பே
தொலைந்தது
கிடைத்ததும்,
இன்று
தேடுவது
என்னவென்றே மறந்து நிற்பதும்,

தேடப்படும்
பொருளே நான்தான் என்றால்,

தேடுவோர் யாரோ?
தேடல் எதற்கோ?

-

Bits of my
broken dreams
yearns for it's wings,
hid in the darkness.

-

இலைகளும், இதயமும்

காலம் உணர்தல்,
மாற்றம் காணல்,
விட்டுக்கொடுத்தல்,
நிழலாய் இருத்தல்,
இவ்விரண்டின் தொழிலாய்!

இலைகள் உதிர்வதும்,
இதயம் தொலைவதும்,
முழுமையின்
துவக்கமாய்.

-