Jo aankhon mein unki, main dekh leta hun,
Nasha sa hota hai, aaraam hota hai,
Magar ab chor diya hai, dekhna unki or,
Kyunki nasha bhi toh apne mein, haraam hota hai...

- MD Anas

-

Mohabbat ke zamane ko, toh hum na bhool paayenge,
Tumhe chaaha tha meri jaan, toh bas tumko hi chaahenge,
Humara daawa tha duniya, se humko mil hi jaaogi,
Magar ab kaise duniya ko, yeh sach karke dikhaayenge..
Zamane bhar mein zillaat ke, siva kuch bhi na paaya hai,
Magar bas gham isi ka hai, ki tumko bhi na paaya hai...

-

Aisa dekha use ki woh,
Dil ki hasrat si ho gayi,
Itna bhagaaya usne ki,
Jism ki kasrat si ho gayi,
Usne ek waqt bita ke,
Aise chor diya tha ki,
Ishq-pyaar ke lafz se,
Humko nafrat si ho gayi..

-

Kabhi aankhon se chu ke tumko,
Choom lunga main,
Tumhari hi masti me zara sa,
Jhoom lunga main,
Aur suna hai samundar mein, tumhare naam ki kashti chali hai,
Us kashti mein baithe ke zara sa,
Ghoom lunga main...

-

Teri yaadein meri yaadein,Toh ek ho nahin sakti,
Jise maine hansaya tha,Woh ladki ro nahin sakti,
Jise paane ke liye main,Toh sab kuch kar hi aaya tha,
Ki phoolein se bhi pyaari woh,Mujhe yun kho nahin sakti..
Agar kho bhi diya hai toh,Tujhe bhi yaad aayegi,
Bhale hi ab nahin to ek,Waqt ke baad aayegi,
Maine socha nahin tha sab,Tu kar barbaad jaayegi,
Tujhe aayegi samajh jab,Teri aulaad aayegi..
Ki woh sab kuch dekh raha hai,Na di hai bad-dua maine,
Ki jab bhi di hai toh di hai,Mere dil se dua maine...

-

Teri yaadon ki kadiyon ko jodkar,
Ek basera banaya hai,
Jo toot gaya tha bilkul se woh,
Ghar mera banaya hai,
Maanta hun meri raatein badi,
Kaali thi tere begair,
Fir bhi mushkilon se joojhkar ek,
Naya sawera banaya hai...

-

Main aag ke dariya ko bhi ,
Paar kar deta hun,
Rishton ki ladiyon ko jodkar,
Taar kar deta hun,
Har baar naa-kaam raha,
Is Mohabbat ke sabak mein,
Par na jaane kyun har baar,
Main Pyaar kar leta hun...

-

Kabhi aankhon ka meri,
Aadha khwaab ho jaati ho,
Kabhi maikhaane mein baithun,
Toh sharaab ho jaati ho,
Yun kahun toh ek alag hi,
Pehchaan hai tumhaari,
Har baar saamne aane pe,
Aur bhi lajawaab ho jaati ho...

-

Lagta hai aag ki zaroorat pe,
Angaar ho jaati hain,
Khoon ki zaroorat ho toh,
Aanaar ho jaati hain,
Kisi ke liye nahi kamre me,
Baithne ke liye hi bas,
Woh bahut khoobsoorti se,
Taiyaar ho jaati hain...

-