🎆आठवण आईची🎆

दिवस तो काही वेगळाच होता आई
अचानक दुर होणार तू ,असं वाटलं सुद्धा नाही
बरं वाटावं तुला,मग तू खूप गोळ्या खाई
आजार कोणता होता तुला?हेच मला समजलं नाही.
असं कसं हे सर्व तुझ्या वाटी आले
सुखात होतो सर्व आपण
मग दुःखाचे सावट आले.
काळोख्या रात्रीत तुला शोधू लागलो आई
न सापडे तू मन स्थिरावले नाही
वेळच अशी आली होती,काही सुचलेही नाही.
खायचो तुझा मार खूप,आता असं कुणी नाही
फटके देण्यासाठी तरी ये ना परत आई.

- मयुर पाटील