Dosti apne aap m ek alag ehsaas hai....
Jiske pass dosti h vo bhot khaas hai...
Dosto k bina sabki zindagi udaas hai....
Dost hai to har manzil pass hai....
Dost hai saath to chai or coldrink ki pyaas hai...
Dost na ho saath to bhara hua bhi lgta khali gilaas hai...
Dost hai to udne ko sara Aakash hai...
Dost nhi ho to khushiyon ki talaash hai...
Dost ka saath hai to har pal ujala or Prakash hai..
Dost ka saath nhi to shayad or kaash hai...
Shayad isiliye dosti ek alag ehsaas hai...
Dost k hone se hi zindagi khaas hai....
Happy Friendship day

-

Aaj bhi tum utna hi Yaad aate ho jitne pehle Yaad aate the....
Aaj bhi tum utna hi pyaara muskurate ho jitna pyaara pehle muskurate the...
Tumhara muskurana Kuch aisa tha
Chote Bache ki pehli hasi k bilkul jaisa tha
Pta nhi kis pal Tum Inn ankhon se ojhal ho gye...
Aasman m sitara dekhte the tum or unhi sitaro m khi kho gye.....
Akhir tum kis dard m the yeh to koi na Jaan saka...
Tumhari chehre ki Khushi k peeche Ka dard akhir koi na pehchaan saka...
Najane konsi khawishe tumhari adhuri thi...
Or Hume aisa tanah krke jaane m tumhari konsi mzboori thi...
Kuch bhi kho tum aaj bhi utna hi Yaad aate ho...
Kabhi TV per filmo m to Kabhi chehre k samne muskurate ho....

-

Sab kuch sehti kuch nhi keh pati hu....
Aurat hu na isiliye to chup ho jati hu.....
Jo bhi hota h akele hi sambhal leti hu...
Khud per aayi musibato ko hasi me tal deti hu....
Kuch bhi bura ho jaye per kisi k samne ro nhi pati....
Roz thak to jati hu per ghar ki chinta me so nhi pati..
Jaise duniya ne bdla vaise m badal gyi..
Ghar ki jimmedariyon me najane bachpan kha nikal gya....
Apni khawaisho ka har waqt gala ghot te dekhti hu.....
Or apne parivar ki khushiyon m hi apni khushiyan samet ti hu....
Jab bhi koi dusra preshan hota hai to usko main hi samjhati hu....
Khud ki taklif bta bhi sakti hu per aurat hu na shayad isiliye chup ho jati hu...
Happy international women's day

-

Na Din bdle na waqt behtar hua, har pal bs yeh hi swaal hai....
Na haal badla na khushiyan aayi akhir yeh kaisa nya saal hai...
Happy new year

-

Sab kuch sehta kuch nhi keh pata hu....
Aadmi hu na isiliye to chup rehta hu.....
Jo bhi hota h akele hi sambhal leta hu...
Khud p aayi musibat ko hasi me tal deta hu....
Kuch bhi bura ho jaye per kisi k samne ro nhi pata....
Roz thak to jata hu per ghar ki chinta me so nhi pata...
Jaise duniya ne bdla vaise m badal gya...
Jawani ki jimmedariyon m najane bachpan kha nikal gya....
Apni khawaisho ko har waqt gala ghot te dekhta hu.....
Apne parivar ki khushiyon m hi ab main apni khushiyan samet ta hu....
Jab bhi koi dusra preshan hota hai to usko main hi samjhata hu....
Khud ki taklif bta bhi sakta hu per aadmi hu na shayad isiliye chup ho jata hu...

-

Kaisa hota hoga desh k liye mar jana....
Sochta hoga yeh Sara zamana.....
Kaisa hota hoga pati ki yaad main patni k liye muskurana....
Kaisa hota hoga har baar phone aane p Darr jana...
Kaisa hota hoga Bina baap k bachpan bitana.....
Kaisa hota hoga har din maut se ankhein Milana....
Kaisa hota hoga desh k liye parivar ko chod kar jana......
Kaisa hota hoga desh ki suraksha k liye duniya se lad jana.....
Kaisa hota hoga har baar Jeet ki umeed per khade ho jana....
Kaisa hota hoga tirange m lipat kar shaheed kehlana....
Bs itna hi aasan hota hoga ek fauzi ka jeevan bitana....
Jai hind

-

Har kalai ko ekdum khaas krdeti hai....
Behan Teri Kami iss dil ko udaas krdeti hai..
Tere hone ka bhi ek alag ehsaas hota hai...
Pta nhi rakshabandhan pe hi yeh dil kyu rota hai....
Tu nhi janti ki tu kitni zaroori hai...
Behan tere bina yeh zindagi kitni adhuri hai...
Bas teri sab sharartein or mastiyan mere dil ko Chu ni reh gayi....
Or har saal ki trah iss saal bhi meri kalai suni reh gayi...

-

Maa yeh ek sabad nhi ek ahsas hai...
Jannat ka rasta kehte hai maa k hi kadmo k pass hai...
Har maa k liye uska bacha sabse khaas hai...
Sari khushiyan har sukoon bs maa k hi aaspas hai....
Maa hai to waqt per khana hai...
Maa se hi to har ghar ka tikhana hai
Maa hai to chain hai sukoon hai...
Maa se hi to har pal har waqt junoon hai...
Maa se hi har ghar ki pehchan hai....
Maa hai to sapno m udaan hai....
Maa dil hai dhadkan hai jaan hai....
Maa chaand maa sitare maa Sara aasman hai...

-

Har mushkil ka chutkiyon m hal nikal leti hai...
Yeh aurat hai jo ghar ko sambhal leti hai....
Humari khushiyon k liye Inka har pal balidaan hai....
Verna Apne ghar ko chodna kha itna aasan hai...
Vo andhero m bhi chamkati nayaab dhoop hai...
Aye aurat na jane tere kitne roop hai....
Bacho k saath bacha or bado k saath badi ban jati hai....
Yeh aurat hi h jo har dil m sama jati hai...
Har ansu pooche jo tujhme vo baat hai...
Or inki tarif m kya likhu aurat ka kad to sabse viraat hai....

-

Muskilo bhari Zindagi or najane kitne sare gam...
Adhuri kahani hai abhi tak or adhure hai hum...

-