ಕ್ಷಮೆ ಇರಲಿ ಗೆಳೆಯ
ಅನುಮತಿ ಇಲ್ಲದೆ
ಆಹ್ವಾನ ನೀಡುತಿರುವೆ..
ಬೇಸರಿಸದೆ ಸಮ್ಮತಿಸಿ ಬರುವೆಯ..
ಕ್ಷಣ ಹೊತ್ತು...
ನನ್ನಿ ಕನಸಿನ ಲೋಕಕೆ..
ಬಣ್ಣದ ಬಯಕೆಯ ನಾಕಕೆ..
ಮಬ್ಬುಗತ್ತಲೆಯ ಮುಸುಕ ಸರಿಸಿ,
ಮೌನ ದೀವಿಗೆಯ ಮನದಲ್ಲಿ ಸ್ಥಾಪಿಸಿ,
ಮುದದಿಂದ ನಿಂತಿರುವೆ
ಮುತ್ತಿನ ಮಂಟಪದಲ್ಲಿ...
ಮತ್ತು ಬರುವಷ್ಟು
ಒಲವ ಧಾರೆ ಎರೆಯಲು...!
ಮನ ತಣಿಯುವಂತೆ
ನಿನ್ನನೊಮ್ಮೆ ಮುದ್ದಿಸಲು...!!

-

ಹೊಣೆಗಾರಿಕೆ
ಅನ್ನೋದು
ಹೆಗಲೇರಿ ಕುಳಿತಾಗ..
ಕನಸುಗಳ ಕೈ ಹಿಡಿದು
ಆಸೆಗಳ ಗಂಟನೊತ್ತು
ಕರ್ದುಕಿನ ಕನ್ನಡಿಯಲ್ಲಿ
ಪ್ರತಿಬಿಂಬ ನೋಡುವ ಯತ್ನ
ಮಾಡದೆ ಇರುವುದೇ ಒಳಿತು...

-

ಕೈ ಚೆಲ್ಲಿದ
ನೆನಪುಗಳೇ....!
ಮನದಿಂದ
ಜಾರಿ ಬಿಡಿ,
ಮರೆತು
ಕೊಂಚ ವಿರಮಿಸುವೆ,
ಮನದೊಳಗಿದ್ದು
ಮೌನದ ತೆರೆಯೊಳಗೆ
ಕಣ್ಣೀರ ತೊರೆಯ ಹರಿಸದಿರಿ...!!

-

ನೊಂದು ನಿಂತ
ಬದುಕಿಗೆ
ನಗುವೊಂದು
ಬೇಕಾಗಿದೆ.!
ಕದಪಿನಲಿ ಇಳಿಬಿದ್ದ
ಮುತ್ತುಗಳ
ಜೊತೆಗೂಡಿಸಲು...!!
ನನ್ನ ನೋವಿಗೆ
ನನ್ನನ್ನು
ನಾನೇ ಸಂತೈಸಲು...!!!

-

ತಿಳಿಯದ ದಾರಿಯ ಪಯಣಕೆ
ಅವನೊಬ್ಬನೇ ಮಾರ್ಗಸೂಚಿ..
ಕರೆದಾಗ ಹೋಗಲೇ ಬೇಕು
ತನ್ನೆಲ್ಲಾ ನೋವ ಮರೆಮಾಚಿ..

-

ಮಿತಿ ಮೀರಿ ಕಟ್ಟಿದ
ಬಣ್ಣದ ಕನಸುಗಳ
ಕೊಂಚ ಜೀವ ಕೊಟ್ಟು
ಉಳಿಸಬೇಕಿದೆ.!
ಜೀವಂತಿಕೆ
ಕಳೆದುಕೊಳ್ಳುತ್ತಿರುವ
ಬದುಕಿಗೊಂದಿಷ್ಟು
ಉಸಿರ ನೀಡಲು.....!!

-

ಎಣಿಸಬೇಕಿದೆ
ಬಾ ಗೆಳೆಯ...
ನಿನ್ನ ಜೊತೆಯಾಗಿ
ನಾನಿಟ್ಟ
ಹೆಜ್ಜೆಯ ಗುರುತುಗಳ..
ನೆನಪುಗಳ ಸಂತೆಯಲಿ
ಪುರಾವೆಗಳ ಕೇಳುವ
ಈ ಮನಕೆ
ನಮ್ಮೊಲವನೊಮ್ಮೆ
ಧೃಢೀಕರಿಸ ಬೇಕಿದೆ..

-

ಹೇಗೆ ಹೇಳಲಿ ಗೆಳೆಯ
ನಿನಗೆ ನಾ ವಿದಾಯವನು....
ಮನದಾಳದ ನೋವಿಗೆ ಮದ್ದು ಕೊಟ್ಟವ ನೀನು.
ಮುದ್ದು ಮನಸುಗಳ ಸಾಂಗತ್ಯಕ್ಕೆ ಪೂರಕನಾದವ ನೀನು..
ಪ್ರೀತಿಯ ಕಲರವಕೆ ಸಾಕ್ಷಿಯಾದವ ನೀನು..
ನಗುವಿನ ಹಂದರವ ಹೆಣೆದು ಕೊಟ್ಟವ ನೀನು..
ಇಷ್ಟಕ್ಕೆಲ್ಲ ಕಾರಣನಾದವ ನಿನಗೆ
ಹೇಗೆ ಹೇಳಲಿ ಗೆಳೆಯ
ನಾ ವಿದಾಯವನು....

-

ನವ್ಯ ಕಾವ್ಯಗಳ ಹರಿಕಾರ
ಸೋಜಿಗದ ಮನದ ಮಾಯಗಾರ
ನವೀ ಕವಿತೆಯ ಒಡೆಯ
ನಲ್ಮೆಯ ಒಲವಿನ ಗೆಳೆಯ
ೲೲ=●=ೲೲ=●=ೲೲ=●=ೲೲ=●=ೲೲ
ಉದಯಕೆ ಮೆರುಗಿತ್ತು
ಮಮತೆಗೆ ಪ್ರೀತಿಯ ಮಡಿಲಿತ್ತ
ಪದ್ಮ ಸುತ
★❤️ನವೀನ್ ರಾಯಲ್❤️★ ಗೆ
ೲೲ=●=ೲೲ=●=ೲೲ=●=ೲೲ=●=ೲೲ
ಹುಟ್ಟುಹಬ್ಬದ ಶುಭಾಶಯಗಳು...

-

ಹುಟ್ಟುಹಬ್ಬದ ಶುಭಾಶಯಗಳು ಜಿಜಿ
========================
========================
ಶ್ರೀ ಗುರುರಾಘವೇಂದ್ರರ ಆಶೀರ್ವಾದ
ಸದಾ ನಿಮ್ಮ ಮೇಲಿರಲಿ
ನಗುವಿನ ಸೆಲೆಯಾಗಿ
ನಲಿವಿಗೆ ಗೆಳೆಯನಾಗಿ
ನಲ್ಮೆಯ ಸ್ನೇಹಕೆ ಒಡೆಯನಾಗಿ
ನಂಬಿದ ಜೀವಗಳಿಗೆ ಸಂಜೀವಿನಿಯಾಗಿ
ಸದಾ ಕಾಲ ಸುಖ ಸಂತೋಷದಿಂದಿರಿ...
========================
========================

-