നല്ല സമയം..
അങ്ങനെ ഒന്ന് ഈ ലോകത്തിൽ
ഉണ്ടെന്ന് തോന്നുന്നില്ല..

ഒരു കുശവൻ വെറും കളിമണ്ണിനെ
തന്റെ ഇഷ്ടത്തിനനുസരിച്ച്
മനോഹരമായ ഒരു പാത്രമാക്കി
വാർത്തെടുക്കുന്ന പോലെ ,
മുന്നിലൂടെ ഓടിപ്പോയ്ക്കൊണ്ടിരിക്കുന്ന
സമയമെന്ന അതിവേഗ ഓട്ടക്കാരനെ
തനിക്കിഷ്ടമുള്ളിടത്തേക്ക് വഴി
തിരിച്ചുവിടാൻ ഒരുവനു കഴിഞ്ഞാൽ..

അപ്പോൾ പറയാം..
അവൻ അവന്റെ സമയത്തെ
നല്ല സമയമാക്കി എന്ന്.

-

ഒരിക്കൽക്കൂടി പുഞ്ചിരിക്കാൻ
നിന്നെ പ്രേരിപ്പിക്കും..
നിന്റെ പ്രതീക്ഷകൾക്ക്
ചിറകുകൾ മുളപ്പിക്കും..
നീ തനിച്ചല്ലെന്ന് ഒരിക്കൽക്കൂടി
നിന്നെ ഓർമ്മിപ്പിക്കും..
മുന്നോട്ട് എന്ന വാക്കിനെ നിന്റെ
ഹൃദയത്തിൽ പതിപ്പിക്കും..
വിജയിച്ചു കാണിക്കണമെന്ന
അഭിനിവേശത്തിന്റെ വിത്തിനെ
നിന്റെയുള്ളിൽ പാകും..

-

SUCCESS
is calling you
million times a day.
hear it atleast
ONCE

-

എന്തെങ്കിലുമൊന്ന് ആയിത്തീരണം
എന്ന് മനസ്സിലുറപ്പിച്ചവനെ
തളർത്താനും തഴയാനും
തള്ളിക്കളയാനും നിൽക്കരുത്.
കാലം അവനെ ഉന്നതങ്ങളിൽ
എത്തിക്കുമ്പോൾ
മുന്നേ പറഞ്ഞതോർത്ത്
പശ്ചാത്തപിക്കേണ്ടി വരും.

-

ഇരുളിന്റെ അന്തകൻ..


നിന്റെ ഉള്ളിലുള്ള ഒരു നുറുങ്ങുവെട്ടത്തിന്
ആയിരങ്ങളുടെ ഉള്ളിലുള്ള ഇരുളിനെ
ഉന്മൂലനം ചെയ്‍വാനാകും..
എന്നാൽ..
അത് നീ തിരിച്ചറിയാത്തിടത്തോളം കാലം
ഇരുൾ നിന്റെ ഉള്ളിലെ വെളിച്ചത്തിന്റെ
അന്തകൻ ആയിരിക്കും..

-

ജീവിതത്തിൽ അപ്രതീക്ഷിതമായി
വിരുന്നു വരുന്ന ചില തോൽവികൾ
ഒരു പക്ഷെ നിന്നെ മറ്റുള്ളവരുടെ
മുന്നിൽ തല കുനിച്ചു നിർത്തിയേക്കാം..

എന്നാൽ..

അല്പം കാലതാമസം എടുത്തിട്ടായാലും..
വരുമെന്നു പ്രതീക്ഷിച്ചിരുന്ന
വിജയം എന്ന വിരുന്നുകാരൻ
ഒരുനാൾ നിന്റെ ജീവിതത്തിന്റെ
വാതിൽക്കൽ വന്നു മുട്ടിവിളിക്കും..

ഒരിക്കലായി താഴ്ത്തേണ്ടി വന്ന
നിന്റെ ശിരസ്സിനെ
എന്നെന്നേക്കുമായി ഉയർത്തുവാൻ..

-

എല്ലാ കഥയിലും വില്ലനെ പരാജയപ്പെടുത്തി വിജയിക്കുന്നത് നായകൻ ആണെങ്കിൽ ,
നിങ്ങൾ ഒന്ന് തിരിച്ചറിയേണ്ടതുണ്ട് :
നിങ്ങളുടെ ജീവിതമാകുന്ന കഥയിലെ നായകൻ നിങ്ങളോ അതോ തോൽവിയോ എന്ന്..

തോൽവി നിന്നെ ഭയപ്പെടുത്തുമ്പോൾ
നീ നിന്നോട് തന്നെ പറയുക :
"അരുത്.. ഞാൻ തോൽവിയെ അല്ല ,
തോൽവി എന്നെയത്രെ ഭയപ്പെടേണ്ടത് "

-

Trust Me..
You Can't Find
The Word Impossible
In The Dictionary Of
My GOD

-

നീ എന്തു കർമം ചെയ്യണം
എന്നു തീരുമാനിക്കാൻ
ഒരു പക്ഷെ നിനക്ക് കഴിയുമായിരിക്കും..

എന്നാൽ..
നിന്റെ കർമം വരുത്തിവെക്കുന്ന കർമഫലം
എന്തായിരിക്കും എന്ന് തീരുമാനിക്കാൻ
നിനക്ക് ഒരിക്കലും കഴിയില്ല..

കഴിയുമായിരുന്നെങ്കിൽ..
അതിനെ ആരും "വിധി" എന്നു
പേരു ചൊല്ലി വിളിക്കില്ലായിരുന്നു

-

Realisation about
who I am..
and
what my power is..

-