ହୋଲିରେ ମୁହଁରେ ରଙ୍ଗ ବୋଳି ଦୁନିଆଠୁ ଲୁଚେଇ ପାରିଛ ନିଜକୁ...
ହେଲେ ହୋଲି ପର ଦିନ!!!
ହୋଲି ପରଦିନ
ଯେବେ ରଙ୍ଗ ହୁଏ ଦାଗ,
ଫଗୁ ଦୋକାନରେ କମି ଯାଏ ଭିଡ,
ଆଉ କମିଯାଏ ସେ ରଙ୍ଗୀନ ପାଉଡରର ଚାହିଦା.....
ଯେବେ ରଙ୍ଗ ଦୋକାନୀ ମୁହଁ ଶୁଖାଏ
ହେଲେ ଭିଡ କମେନି,
ଧଳା ପାଉଡର ମିଳୁଥିବା ଜାଗାରେ
ନାଲି, ନୀଳ, କଳା ଏ ସବୁ ବାସି ରଙ୍ଗର ଦାଗ ଲାଗିଛି ଚମଡା ରେ ନହେଲେ କପଡା ରେ....
ହେଲେ ଧଳା ପାଉଡରର ଦାଗ ଲାଗିବ ତୁମ ଚରିତ୍ରରେ, ତୁମ ରକ୍ତରେ, ତୁମ ଶିରା ପ୍ରଶିରା ରେ......
ଅସ୍ଥିମଜ୍ଜାଗତ ହେଇ ତୁମ ସ୍ନାୟୁ ତନ୍ତ୍ରରେ ଲାଗିବ ସେ ଦାଗ.....
ଫଗୁ ଦୋକାନ ତ ବନ୍ଦ!!
କେମିତି ଲୁଚେଇବ ମୁହଁ?
ମୁଖା ଲଗେଇବ!!!
ହେଲେ ସବୁ ମୁଖାର ଆର ପଟେ ଯେ ଥାଏ ଗୋଟେ ଦର୍ପଣ.....
©️ମାନସ

-

ସେଇ କାଠଯୋଡିର ଚହଲା ପାଣି , ସେଇ ଝୁଲା ପୋଲ ତଳର ସ୍ତବ୍ଧ କାହାଣୀ.....
ଗାଡି ଆଇନାରେ ତୁମ ମୁହଁକୁ ଦେଖିବାର ମୋ ପ୍ରୟାସ,
ଆଉ ଜାଣି ଜାଣି ମୁହଁ ଲୁଚେଇବାର ତୁମ ଅଭ୍ୟାସ....
ଡେରି ହେଲାଣି କହି ଫେରିଆସିବା ପାଇଁ ତୁମ ଚପଳତା ,
ଆଉ କିଛି ସମୟ ସେମିତି ବିତେଇବା ପାଇଁ ମୋ ବ୍ୟାକୁଳତା....
ସେପଟେ ପତ୍ରଝଡାର କାର୍ଯ୍ୟଭାରରେ ମଗ୍ନ ସେ ପହିଲି ବସନ୍ତ
ଏପଟେ ତୁମ ଗଭାରେ କୃଷ୍ଣଚୁଡାଟେ ଖୋସି ମୋ ହୃଦୟ ଅଶାନ୍ତ.....
ତୁମ ଆଖିରେ ଆଖି ମିଶେଇ ଉପାୟଶୁନ୍ୟ ମୋ ଛାତି,
ତୁମ "ପୂର୍ଣ୍ଣଚ୍ଛେଦ ବିହୀନ" କଥା ଶୁଣି ଉତ୍ତରଶୁନ୍ୟ ମୋ ଆଖି.....
ଥରେ ପଚାରି ଦେଖ!
ସେ କୃଷ୍ଣଚୁଡା ଗଛ ଆଜି ବି ଦେବ ସାକ୍ଷୀ....
©️ମାନସ

-

I come with the beat of "Dhol" to fill your life with waltz of happiness.....
I come with the holy smoke to expel the clouds of difficulties.....
I come with the fire of the arrow that penetrates the statue of Ravan to burn all the evils....
I come with the lights of the colourful luminous bulbs of your Puja Mandaps to enlighten your soul....
Accept me as mother or sister or daughter or wife.....
Accept me as a woman.

-

ଆଖିରେ ଆଖିଏ ଆଶା,
ତୋ ହାତରେଖା କୁ ପଢ଼ିବାର ନିଶା
ତୋ ଆଖିରେ ହଜିବାର ଇଛା
ଆଉ ତୋ କଜ୍ଵଳକୁ ସ୍ୟାହି କରି
ତୋ ପାପୁଲିରେ
ଆମ କାହାଣୀ ଲେଖିବାକୁ ମୋ ତର୍ଜନୀର ଚେଷ୍ଟା........
©️ମାନସ

-

ମୁଁ ପାଇନଥିଲି ତାକୁ ମୋ ଗଳ୍ପର କଳ୍ପନା ରେ,
ମୋ ରଙ୍ଗମଞ୍ଚର ରୋମାନ୍ସରେ କି ମୋ ଆବୃତ୍ତିର ଅଭିଜ୍ଞତାରେ....
ହଠାତ ସେ ଦିଶିଥିଲା ମତେ,
ମୋର ଗୋଟେ କବିତାର ପ୍ରଶଂସା ବାର୍ତ୍ତାରେ ଆଉ ଗୋଟେ ସୁନ୍ଦର କବିତା ହେଇ....
ଠିକ ଯେମିତି ସେଦିନ ବହୁତ ଖୋଜିଲା ପରେ ତା ମଥାର ଟିକିଲି ମତେ ମିଳିଥିଲା ତା ବାମହାତରେ କଳାଜାଇ ଟେ ହେଇ....
©️ମାନସ

-

ମୁଁ ପାଇନଥିଲି ତାକୁ ମୋ ଗଳ୍ପର କଳ୍ପନା ରେ,
ମୋ ରଙ୍ଗମଞ୍ଚର ରୋମାନ୍ସରେ କି ମୋ ଆବୃତ୍ତିର ଅଭିଜ୍ଞତାରେ....
ହଠାତ ସେ ଦିଶିଥିଲା ମତେ,
ମୋର ଗୋଟେ କବିତାର ପ୍ରଶଂସା ବାର୍ତ୍ତାରେ ଆଉ ଗୋଟେ ସୁନ୍ଦର କବିତା ହେଇ....
ଠିକ ଯେମିତି ସେଦିନ ବହୁତ ଖୋଜିଲା ପରେ ତା ମଥାର ଟିକିଲି ମତେ ମିଳିଥିଲା ତା ବାମହାତରେ କଳାଜାଇ ଟେ ହେଇ....
©️ମାନସ

-

Apne jakhm ke pitaare me thodi jagah banane aya hoon,
Apne kuchh raaz yahan dafnaane laya hoon…
Suna hai,
Barf me chizen barson taaza rehti hain.

-

The ride meaningless :-
She was the mountain,sitting in deep meditation like a mythic monk…
Holding the same position for years and ages,she was steady and silent.
he was on a horse…..The black horse had a mark of red on his head like a halfmoon coughing blood
in a cloudy sky…
The eyes of the horse and the master were bright as sun and waiting to inhale the female scent of her body….
They started…Thunder hit, Storms attacked,
But the dark horse ignored every attack with his speed and the master with his rock steady desire…
They reached .
But,they found only rock and rock…
And some foul insects scrolling.
there was no sweet feminine scent…
Only scars and hard rocks

-

ଖରାର ତାତି ଯେତିକି ଯେତିକି ବଢୁଥିଲା,
ତମେ ମୋ ଠୁ ସେତିକି ସେତିକି ଦୁରକୁ ଯାଉଥିଲ......
ଛୋଟବେଳେ ବୋଧେ ଭଲ ଲୁଚକାଳି ଖେଳୁଥିଲ,
ଆଜି ବି ସେଥିପାଇଁ ମୁଁ ଖାଲି ଖୋଜିବାରେ ବ୍ୟସ୍ତ
ନିହାରିକା ଠାରୁ ମରୀଚିକା ପର୍ଯ୍ୟନ୍ତ ଆଜି ବି ତୁମରି ଅନୁସନ୍ଧାନ ଜାରି.....
ମେଘ ଠାରୁ ମହ୍ଲାର,ବିଭତ୍ସରୁ ଶୃଙ୍ଗାର
ସବୁଠି ଖୋଜିବି ତମକୁ.....
ହେଲେ ଲୁଚକାଳିର ନିୟମ ଅନୁସାରେ
ଏକ ରୁ ଶହେ ଗଣିବା ପରେ
ଖୋଜା ଆରମ୍ଭ ହୁଏ,
ମୁଁ ତ ଜମା ପଚିଶ ଯାଏଁ ଗଣିଛି....
-ମାନସ
(1998 ରୁ ଆଜିପର୍ଯ୍ୟନ୍ତ ଅନୁସନ୍ଧାନ ପାଇଁ ଅପେକ୍ଷାରତ)
©️ମାନସ

-

"ପୁଣ୍ୟ ର ନଦୀ ତୀରେ....,ପୂଜା କାହିଁ ପୂଜା....,ହେ ଫଗୁଣ ତୁମେ ଗଲା ପରେ ପରେ.... କଳଙ୍କିତ ଏଇ ନାୟକ ଆଖିରୁ.... ବାସ... ଏତିକି, ଏତିକି ବେଳକୁ ଅଟକିବାର ଥିଲା ତତେ !!!! ପୁଣ୍ୟ ର ନଦୀ ପଂହରି ଆସିଲି,ପୂଜା ବି କଲି, ଫଗୁଣ କୁ ମେଲାଣି ବି ଦେଲି ଆଉ କଳଙ୍କ ଟା ଲଗେଇଲା ବେଳକୁ ଅଟକିଗଲୁ ତୁ !!! " - ଏମିତି କିଛି କହି ମୋ ପୁରୁଣା ଟେପ ରେକର୍ଡ ଟାକୁ ଗାଳି ଦଉଥିଲି ମୁଁ... ତା ସହ ସୁଇଚ ଗୁଡା କୁ ଏଣୁ ତେଣୁ କରି ଦବେଇ ଚାଲିଥିଲି. ହେଲେ କିଛି ଫାଇଦା ନାହିଁ. କଳଙ୍କିତ ନାୟକ ର ଆଖିରେ ଲୁହ ଆସିବାର ନା ଗନ୍ଧ ନାହିଁ. ବହୁତ ରାଗ ଲାଗିଲା. ଦୁଇ ଚାରି ଚାପୁଡ଼ା ବି ମାରିଦେଲି. ହେଲେ ସେ "ଯଥା ପୂର୍ଵମ ତଥା ପରମ". ହଠାତ ମନେ ପଡିଲା କି କ୍ୟାସେଟ ଟା ଖୋଲିକି ଦେଖିବା. କ୍ୟାସେଟ ଖୋଲିଲା ବେଳକୁ ସେ ରିଲ ଗୁଡା ଅଳନ୍ଧୁ ଭଳି ଅଡୁଆ ହେଇ ଯାଇଥିଲା. ମୁଁ ମୋ ତର୍ଜନୀ ରେ ତାକୁ ଗୁଡେଇ ବାକୁ ଲାଗିଲି. ଆଉ ହଠାତ ପଳେଇଗଲି ଫ୍ଲାସବ୍ୟାକ କୁ....
ମନେ ପଡିଲା ସେଇ ରିଲ ଭଳି ତୁମ ଅଡୁଆ କେଶ...ଆଉ ତର୍ଜନୀ ରେ ତୁମ କେଶକୁ ସଜାଡି ତୁମ କେଶ ବିନ୍ୟାସ ର ସେତୁବନ୍ଧ ନିର୍ମାଣ ରେ ମୋର ଗୁଣ୍ଡୁଚି ମୂଷା ପ୍ରାୟ ପ୍ରୟାସ... ଆଉ ବି ମନେ ପଡିଲା ଆମର ଏଇ ମିଠା ଦୁଷ୍ଟାମୀ ସମୟ ରେ ବାପା ଙ୍କ ଶଗଡ଼ ର କେଁ ଶୁଣି ପ୍ରକୃତିସ୍ଥ ହବାର ଚପଳତା....ବୋଉ ର ସେ ଖୁଆ ରେ ଲହୁଣୀ ଗୋଳା ଆଉ ଖୋକା ଭାଇ ଙ୍କ ଗୁଡ଼ି ଉଡ଼ା..... ଧିରେ ଧିରେ ମୋ ରିଲ ଗୁଡା ସାରୁଥାଏ ଆଉ ମୁଁ ସେ ଅତୀତ ରୁ ବି ବାହାରକୁ ଆସୁଥାଏ.... ତମେ ଗଲା ପରେ ମୋ ଜୀବନ ରୁ ବି ଯେମିତି ଫଗୁଣ ହଜି ଯାଇଛି..... ଆଉ ବାରି ଆଡ ସେ ପୁରୁଣା ପିଣ୍ଡା ରେ ସେ ଶଗଡ଼ ଚକ ଟା ଅଧା ଭଙ୍ଗା ହେଇ ପଡିଛି ଠିକ ମୋ ଜୀବନ ଭଳି......କ୍ୟାସେଟ ରିଲ ଟା ଗୁଡ଼େଇଲା ଭଳି ଯଦି ମୋ ଜୀବନର ରିଲ ଟା ଗୁଡେଇ ପାରନ୍ତି ତାହେଲେ କେତେ ଭଲ ହୁଅନ୍ତା !!! ହଉ କଳଙ୍କିତ ନାୟକ ଆଖିରୁ ଲୁହ ଝରିଲାଣି... ଆଉ ମୋ ଆଖି କେତେ ବାଟ !!!!
©ମାନସ

-