ಮೊದಲು ಯಾರು sorry ಕೇಳ್ತೀವಿ
ಅನ್ನೋದು ಮುಖ್ಯ ಅಲ್ಲ
ಹೇಗೆ ಮೊದಲಥರ ಒಟ್ಟಿಗೆ ಕೂತು
ಅದೇ ಪ್ರೀತಿಯಿಂದ ಅದೇ ವಿಶ್ವಾಸದಿಂದ
ಮೊದಲಿದ್ದ ಭಾವನೆಯಿಂದ
ಕ್ಷಮಿಸಿ ಕಹಿ ಮರೆತು
ಅದೇ ಆತ್ಮೀಯತೆಯಿಂದ ಮಾತಾಡ್ತೀವಿ
ಅನ್ನೋದು ಮುಖ್ಯ...

-

ಪ್ರೀತಿ ಎಂದರೆ
ಇಂದು ಅವಳು
ನಾಳೆ ಇವಳು ಎಂದಲ್ಲ..
ಪ್ರೀತಿ ಎಂದರೆ
ಆಪಾದನೆ ಮಾಡುತ
ದಾರಿಯಲ್ಲಿ ದೂರುತ್ತಿರುವುದಲ್ಲ..

ಪ್ರೀತಿ ಎಂದರೆ
ತಮ್ಮ ಸ್ವಾರ್ಥತೆಗೆ
ಬಳಸುವ ಭಾಷೆಯಲ್ಲ..
ಪ್ರೀತಿ ಎಂದರೆ
ಇಂದು ಮೇಧಾವಿ ಎಂದು
ನಾಳೆ ಮೂಧೇವಿ ಎನ್ನುವುದಲ್ಲ..

ಪ್ರೀತಿ ಎಂದರೆ
ಬೇಕೆಂದಾಗ ಬುದ್ದಿವಂತೆಯಂದು
ಬೇಡವೆಂದಾಗ ಬುದ್ಧಿಮಾಂದ್ಯಳೆಂಬುದಲ್ಲ..
ಪ್ರೀತಿ ಎಂದರೆ
ಅವಳಿರುವಂತೆ ಬಯಸಿ ಪ್ರೇಮಿಸಿ
ನನ್ನಂತೆ ಬದಲಾಗೆಂಬುದಲ್ಲ ..

ಪ್ರೀತಿ ಎಂದರೆ
ನೀ ಹೇಳಿದಂತೆ ಆಗಬೇಕು
ಎಂದೂ ಬಯಸುವುದಲ್ಲ..
ಪ್ರೀತಿ ಎಂದರೆ
ಪರಸ್ಪರ ಗೌರವೇ ಹೊರತು
ನನ್ನಿಂದ ಎಂಬ ಗರ್ವ ಅಲ್ಲ..

ಪ್ರೀತಿ ಎಂದರೆ
ಹಾಸಿಗೆಯ ಮೇಲಿನ ಬಟ್ಟೆಯಲ್ಲ
ವಾರಕೊಂದು ಬದಲಾಯಿಸಲು
ಪ್ರೀತಿ ಎಂದರೆ
ನಂಬಿಕೆಯ ಕೋಟೆಯಲ್ಲಿ
ಸುಳ್ಳಿನ ವ್ಯವಹಾರ ಮಾಡುವುದಲ್ಲ..

-

ಮೋಹಕ್ಕೂ ಮೋಸಕ್ಕೂ ವ್ಯಾಮೋಹಕ್ಕೂ
ಸಂಚಿಗೂ ಹೊಂಚಿಗೂ ನಿನ್ನ ಪಾಲು ನೀನು...
ಪ್ರೀತಿಯ ನಂಬಿಸಿದ ಒಲವಿನ ಮಾತಿಗೂ
ಭಾಷೆ ಆಣೆಗಳಿಗೂ ಬೆಲೆ ತೆರಲೇಬೇಕು ನೀನು...

ನನ್ನ ಪಾಲಿನ ಸುಖವ ದಯಪಾಲಿಸಿದ ದೈವ
ನಿನ್ನಿಂಲೇ ಅನುಭವಿಸುತ್ತಿರುವೆ ನಾನು..

ನಿನ್ನ ಪಾಲಿಗೂ ಕೂಡಿಟ್ಟಿರುವ
ಫಲಾಫಲ ಪಡೆದೆ ತೀರುವೆ ನೀನು...
ಕೊಂಚ ತಡವಾದರು ಖಚಿತವಾಗಿ
ಸವಿಯುವೆ ನಿನ್ನ ಪಾಲಿನ ಲಾಭವ ನೀನು..

-

ನನ್ನ ಭಾವನೆಗಳ ಹೂವು
ಬಿರಿದ ಮಲ್ಲಿಗೆಯಾಗಿ ನಿನ್ನಲ್ಲಿಗೆ
ಒಲವಿನ ಪ್ರೀತಿಯ ಕಂಪ ಪಸರಿತ್ತು ಗೆಳೆಯ..
ಇಂದು ಆ ಹೂವುಗಳಿಂದ
ಒಲವ ಧಳಗಳು ಉದುರಿ
ನಿನ್ನಲ್ಲಿದ್ದ ನಂಬಿಕೆಯಲ್ಲಿ ಮಣ್ಣಾಗಿದೆ ಗೆಳೆಯ..
ಒಲವ ಸುಧೆಯ ತಂಪು
ಬಿರಿದ ಮಲ್ಲಿಗೆಯ ಕಂಪು
ನಶಿಸಿ ಸದ್ದಿಲ್ಲವಾಗಿ ಅಳಿದಿದೆ ಗೆಳೆಯ..
ನೀ ಹೊನ್ನಿನ ದುಂಬಿಯಾಗಿ
ಹೂವಿಂದ ಹೂವಿಗೆ ಹಾರುತ
ಒಲವ ಪರಿವಿರದೆ ಮಧು ಹೀರುತ್ತಿರುವೆ ಗೆಳೆಯ..

-

ಎಷ್ಟೆ ಕಷ್ಟಗಳು ಸರದಿಯಲಿ
ಒಂದರಿಂದೆ ಒಂದರಂತೆ ಬಂದರು
ನೀ ಇರುವೆ ಎಂಬ ಆತ್ಮವಿಶ್ವಾಸವಿತ್ತು..

-

ನನ್ನ ಪ್ರೀತಿಯ ನಿನ್ನ ಸುಳ್ಳಿನ
ತಕ್ಕಡಿಯಲ್ಲಿ ತೂಗಿ ವಂಚಿಸಿದ್ದೀಯಾ ಗೆಳೆಯ
ನನ್ನಲ್ಲಿದ್ದ ನಿನ್ನ ನಂಬಿಕೆಯ ತೂಕವನ್ನು
ಕಪಟದಿ ಹೊರೆಯಾಗಿಸಿದ್ದೀಯಾ ಗೆಳೆಯ
ನನ್ನ ದಶಕವ ಮೀರಿದ ಪ್ರೀತಿಯನ್ನು
ಮಾಪನವಿಲ್ಲದೆ ಅವಮಾನಿಸಿದ್ದೀಯಾ ಗೆಳೆಯ
ನನ್ನಲ್ಲಿದ್ದ ನಿನ್ನ ಮೇಲಿನ ಅಪಾರ ಗೌರವವನ್ನು
ವ್ಯಾಪಾರ ಮಾಡಿದ್ದೀಯಾ ಗೆಳೆಯ
ನಿನ್ನ ಪ್ರೀತಿಯನ್ನ ಅದರ ಬೆಲೆಯನ್ನ ಮತ್ತೊಬ್ಬರ
ಕಾಲ ಕೆಳಗೆ ಹೋಲಿಸಿ ಹೊಲಸಾಗಿಸಿದ್ದಿಯಾ ಗೆಳೆಯ
ನನ್ನ ಹೃದಯದ ಧಮನಿ ಧಮನಿಯಲ್ಲೂ
ಮಿಡಿದ ನನ್ನ ಪ್ರೀತಿಯ ಕೊಂದಿದ್ದೀಯಾ ಗೆಳೆಯ
ನನ್ನುಸಿರುಗಿಂತ ಹೆಚ್ಚಾಗಿ ನನ್ನ ಜೀವಿಸಿದ್ದ ನೀನು
ನನ್ನ ನಂಬಿಕೆಯನ್ನು ಕಳೆದುಕೊಂಡಿದ್ದೀಯಾ ಗೆಳೆಯ.
ನಿನಗೆ ಜೀವಕೊಟ್ಟ ಸುಖಕೊಟ್ಟ ಕುಟುಂಬವನ್ನು
ಅಸಹ್ಯವಾಗಿ ಸನ್ಮಾನಿಸಿದ್ದೀಯಾ ಗೆಳೆಯ
ಪ್ರತಿಯೊಂದರ ಅರ್ಥ ತಿಳಿಯುವುದು
.......ಗೆಳೆಯ...

-

ಕೆಲ ಗಂಡಸರು ಗೆಳೆತನ ಹೆಸರಲ್ಲಿ
ಹೆಣ್ಣಿನ ಭಾವನೆಗಳ ಜೊತೆ ಆಟ ಆಡುತ್ತಾನೆ..
ಆ ಹೆಣ್ಣಿನ ಮನವೆಂಬ ಬಾಳೆ ಎಲೆಯ
ಮೇಲೆ ಊಟನು ಮಾಡ್ತಾನೆ..
ನಂತರ ಮತ್ತೊಂದು ಹೆಣ್ಣಿನ
ಮನದ ಭಾವನೆಯ ಕೆಣಕುತ್ತಾನೆ..
ನೊಂದ ಹೆಣ್ಣಿನ ಕಣ್ಣೀರ ಶಾಪಕ್ಕೆ ಕಂಡಿತ
ಆತ ಬೀದಿ ಹೆಣವಾಗಿ ನರಕಕ್ಕೆ ಸಾಗುತ್ತಾನೆ...

-

ಕೆಲವರಿಗೆ ಸುಳ್ಳು ಮೈಮೇಲಿನ ಬಟ್ಟೆಯಂತೆ
ಗಂಟೆಗೊಂದು ಬದಲಿಸಿದಂತೆ
ಒಮ್ಮೊಮ್ಮೆ ಒಂದೊಂದು ಕಥೆ ಕಟ್ಟುತ್ತಾರೆ..

ಇನ್ನೂ ಕೆಲವರಿಗೆ ಮೈಗೆ ಅಂಟಿದ ಚರ್ಮದಂತೆ
ಸತ್ಯ ಸತ್ಯ ಎಂದು ಸುಳ್ಳಿನ ಹೊದಿಕೆಯಂತೆ
ಜೀವನವನ್ನೆ ಸುಳ್ಳಿನ ಕಥೆಯಾಗಿಸಿಕೊಂಡಿರುತ್ತಾರೆ..

-

ನೀನಿಲ್ಲದೆ ಬದುಕೆ ಇಲ್ಲ ಅನ್ನೊದು ಬೇರೆ
ನೀನಿಲ್ಲದೆ ಬದುಕೊಲ್ಲ ಅನ್ನೊದೇ ಬೇರೆ

-

ಪ್ರಶಾಂತವಾದ ಶಿವಪುರದ ಕೆರೆಬದಿಯಲ್ಲಿ
ಕುಳಿತೆ ಬಹುಕಾಲ ನೀರವತೆಯ ಮನದಲ್ಲಿ
ಕೊಂಚ ಸಿಕ್ಕಂತಾಗಿ ಶಾಂತಿ ಆ ಕ್ಷಣದಲ್ಲಿ..

ಮನ್ವಂತರದ ಪ್ರಶ್ನೆಗಳ ಗದ್ದಲವೆದ್ದು
ಉತ್ತರಗಳು ಕೆರೆಯಲ್ಲಿ ಮುಳುಗಿದ್ದು
ಹೊರತರಲೇ ಜಾಗದಿಂದ ಮೇಲೆದ್ದು..

-