ನೆನ್ನೆ ಸತ್ಯವೊ, ಇಂದು ಸತ್ಯವೊ
ನಾಳೆ ಸತ್ಯವೋ ನಮ್ಮ ಭ್ರಮರದಲಿ..
ಮಿಥ್ಯಯಾವುದು ನಿತ್ಯ ಲೋಕದಲಿ...

-

ಹೊತ್ತಿಗೆಯ ಒಲವದು
ಬತ್ತದ ಕಡಲ್ಕಾಣ...

-

ನಡೆ ನಿಲ್ಲದೆ ನೀ ಗೆಲ್ಲುವ ತನಕ..
ಬತ್ತದಿರಲಿ ಬದುಕ ಬದುಕುವ ತವಕ...

-

ತೇಜಸ್ವಿ ನಮ್ಮ್ನ ಯಾವ್ಯಾವ ಥರ ಆವರ್ಸತಾರೋ ಕಾಣೆ.,
ಆದ್ರೆ ಪ್ರತಿ ಸಲನೂ ಇಷ್ಟ ಆಗ್ತಾರೆ...

-

ತಿರಂಗದ ರಂಗು ಮನೆ
ಮನೆಗಳಲ್ಲಿ ರಂಜಿಸಿದರು..
ಅದರ ಗೌರವವೆಲ್ಲೊ
ಗೌಪ್ಯವಾಗಿ ಕಳೆದು ಹೋಗುತಿದೆ...

-

ಹುಡುಕಬೇಕಿದೆ
ನಮ್ಮನ್ನೆ ನಾವು
ಕಳೆದುಹೋದ
ಕಾಯದೊಳಗೆ...

-

ಜಗವೆಲ್ಲ ಸಂತಸದ
ಸ್ನೇಹ ಬಯಸಿ ಹೊರಡುವಾಗ..
ಸಂತಾಪದ ಸಂಬಂಧಿ ಯಾರು,?
ಮುರಿದ ಮನ ನಕ್ಕಿತಾಗ...

-

ಮನಸು ಕಾದಿದೆ ಮೌನವಾಗಿದೆ,
ಬಾ ಮುದ್ದಿಸು, ಮಾತಾಡಿಸು..
ಅಪ್ಪುಗೆಯ ಅಂಕುಶದಿ,
ತಿವಿದೊಮ್ಮೆ ಎಚ್ಚರಿಸು..
ಪ್ರೀತಿಯೌತನವ,
ಉಣಬಡಿಸಿ ಉಪಚರಿಸು..
ಸಮ್ಮಿಲನದ ಸವಿರಾಗದಿ,
ಈ ಮನವ ಸತ್ಕರಿಸು..
ನಲ್ಲೆ ಎನ್ಮನವ ನೀ ಸತ್ಕರಿಸು...

-

ಸದಾ ಸತಾಯಿಸುವ
ಹೃದಯದೆದುರು,
ಸೋಲುವುದು ಕೆಲವೊಮ್ಮೆ
ಹಿತವೆನಿಸುತ್ತದೆ...

-

ಬುದ್ಧನಾದರೂ ಇನ್ನೊಮ್ಮೆ
ಬಂದು ಹೋಗಬೇಕಿತ್ತು..
ಅವನ ಶಾಂತ ಚಿತ್ತತೆಯ ಘಮಲಿನ
ಸಣ್ಣ ಗಾಳಿಯನ್ನಾದರು ಹರಡಿ...

-