ಕಳೆದು..ಕೊಂಡದ್ದು.
(ನಷ್ಟದ ನೋವು 👇🏻)

-

ಮುಗಿಲ ಕಡಲು..!¡
(ಮೌನದ ಮಾತು.. 👇🏻)

-

ಅನುಕಂಪಕ್ಕಾದರೂ ಅನುರಾಗವಿತ್ತು
ಆದರೆ
ಅನುಕಂಪಕ್ಕೆ ಅನುಸರಿಸುವ ಅಭಿಲಾಷೆಗಳಿರದು
ಅನುಕಂಪಕ್ಕೆ ಅಳತೆಗೋಲಿನ ಆದೇಶವಿರುವುದು
ಅನುಕಂಪಕ್ಕೆ ಅನ್ಯರ ಅಭಿಪ್ರಾಯಗಳ ಆತಂಕವಿವುದು
ಅನುಕಂಪಕ್ಕೆ ಅನ್ಯತೆಯ ಆದಿ ಅಂತ್ಯಗಳಿವುಹುದು
ಅನುಕಂಪಕ್ಕೆ ಅನನ್ಯತೆಯ ಅಂಕಿ ಅಂಶಗಳ ಅರಿವಿರದು
ಅಸಲಿಗೆ
ಅನುಕಂಪಕ್ಕೆ ಅರಳಿದ್ದು ಅಂದಿಗೇ ಅಸುನೀಗಿತ್ತು.

-

ಸಾಕಾದಾಗ ಸಾವಧಾನಿಸು,
ಸೋತಾಗ ಸಂಯಮಿಸು..!¡

-

ಸೂಕ್ಷ್ಮ ಮನಸ್ಸಿದ್ದರೇ ಸಾಕೆ,
ಅದಕೊಂದು
ಅತೀ ಸೂಕ್ಷ್ಮ ಜೊತೆ ಬೇಡವೇ..!¡

-

ಎಲ್ಲವೂ ನಿನ್ನೊಳಗಿನ ಭಾವನೆಗಳೇ ಹೊರಗಿಂದ ಬಂದಿದ್ದು ಉಳಿಯೋಲ್ಲ,
ಒಳಗಿನದ್ದೇ ಉಳಿಯೋದು.

ನೀನೇನೇ ಆಗಿದ್ದರು ಅದು ನಿನ್ನದೇ ನಿಜ ರೂಪ,ವ್ಯಕ್ತಿತ್ವ ಎಲ್ಲವೂ ಒಳಗಿದ್ದದ್ದೇ ಹೊರ ಬರದೇ ಅಳಿದುಳಿದು ನಿನ್ನೇ ಕಾಡುವುದು...!¡

-

ಇದುಕ್ಕೆ ಅದುಕ್ಕೆ ನೀನೇನಂತಿ,ನೀನ್ಯಾಕೆ ನಿಂತಿ-ಕುಂತಿ, ಇದೇನ್ ನಿಮ್ ಜಗಳದ್ ಸಂತಿ, ಮುಗಿತ್ ನಮ್ ಪಂಚಾಯಿತಿ

-

ಅತೀ ಕಷ್ಟದ ಹೋರಾಟ ಹೊರ ಜಗದ ಜೊತೆಗಿನದಲ್ಲ,
ನಿನ್ನದೇ ಒಳಗಿನ ಜಗದ ಜೊತೆಗಿನದು..!¡

-

ಭವಿಸಿಬಿಡು ಭಾವವೇ ಬದುಕಿನ ಭ್ರಮೆಗಳಲಿ
ಬೇಕು ಬೇಡಗಳ ಬೇಗುದಿ ಭಾರವಾಗಿದೆ ಬಾಳಲಿ
ಭಾವವೇ, ಬಯಸಿ ಬಂಧಿಯಾಗಲಾರೇನಾ
ಭಾವವೇ, ಭಾವಿಸಿ ಭಾರವಾಗಲಾರೇನಾ..!¡

-

ಅದು ಉರುಳದಂತೆ ಉಳಿಸಿಕೊಂಡು ಹೋಗೋದು ಒಂದು ಕಲೆ.

-