"நாளை என்ன வாங்கி வர?"
என்று கேட்கிறான் அவன்!

'இன்றே நீ என்னருகே வேண்டும்
எனக் கூறி அமைதியாகிறது மனம்!

-

கேட்டு நின்றும் நீ
தரமறுக்கும் பாராட்டுகளை
திரை போட்டும்
காட்டி விடுகின்றன
உன் விழிகள்!

-

சில உறவுகள்
முடிவதே நல்லது
என நினைக்க வைக்கின்றன

-

சேலை மடிப்புகளின்
நேர்த்தியின் பின்னால்
அமைதியாக சிரிக்கிறது
என்னவனின்
காதலின் கர்வம்!

-

உன்னருகில் உள்ள போதெல்லாம்
ஆர்ப்பரித்து அடங்குகிறது
என் மனது!

-

சில நொடி கவனச்சிதறலில்
சிதறிய தண்ணீராய்
இதயத்தை சட்டென
ஆட்கொண்டு விடுகிறது
உன் நினைவு!

-

உன்னை
விட்டுச் செல்லும் நேரங்களில்
கொஞ்சம் அதிகமாய் தான்
எட்டிப் பார்க்கிறது
இந்தக் காதல்!

-

என் சுவாசக் குழலில்
நாதமாக அவன் பெயர் இன்னிசையாக!

-

எழுதி வைத்த நாட்குறிப்பில்
உன் விசிறியாய் மட்டுமே
என் வார்த்தைகள் அனைத்தும்!

-

சிறுமியின் ஸ்பரிசத்தால்
சிறகு முளைக்கின்றது
இதழ்களுக்கு!

-