ದೂರಿದವರು ದೂರವಾದರೂ , ಹತ್ತಿರವಿದ್ದವರು ಕನ್ನಡಿ ಹಿಡಿಯುವರು.

-

ದಡ್ಡರಿಗೆ ಬುದ್ಧಿ ಹೇಳಬಹುದು ಪಂಡಿತರಿಂದ ಜ್ಞಾನ ಪಡೆಯಬಹುದು ದಡ್ಡರು ಅಲ್ಲದೆ ಪಂಡಿತರು ಅಲ್ಲದೆ ಮಧ್ಯದ ಮಂತ್ರಿಗೆ ಶರಣಾಗುವುದೇ ಶ್ರೇಷ್ಠ ಪಾಠ.

-

ಬಾಯಿಮಾತಿಗೆ ಕಡಿವಾಣ ಹಾಕಿ, ಮೌನದಿ ಮಾತಾಡಲು ಜ್ಞಾನಧಾರೆ ನಿನ್ನ ಪಾಲು.

-

ಮೋಹ ಅಮೃತಧಾರೆಯಾಗಲು ಸರ್ವ ಸಂಕಷ್ಟಕರಿಗೂ ಸಂಜೀವಿನಿ.

-

ಜೀವನವೆಂಬ ನಿಸರ್ಗದಲ್ಲಿ ಪ್ರೀತಿಯೆಂಬ ಮಳೆ ಸುರಿಸಲು ಸಾಧನೆಗಳ ಸುಗಂಧ ಹರಡುವುದು.

-

ಮೌನ ಮಾತಾಡಲು, ಪ್ರೀತಿ ಚೆಲುವಿನ ಚಿಲುಮೆಯಾಗುವುದು.

-

ಸವಿ ನೆನಪಿನ ಹೋದೋಟದಲಿ
ಹಕ್ಕಿಗಳಂತೆ ಮನಗಳಾರಲು
ಸಂತೋಷವು ಗಗನದಲ್ಲಿ ಗರಿ ಬಿಚ್ಚುವುದು.

-

ಸದ್ಗುಣ ಎನ್ನುವುದು ಚಿನ್ನದಂತೆ
ಅದನ್ನು ಹೊಂದಿದವರೇ ಶ್ರೀಮಂತರಂತೆ

-

ವರ ನೀಡದಿರಲು ದೇವರನ್ನೇ ಬದಲಾಯಿಸುವ ಕಲಿಯುಗದಲ್ಲಿ ಮುಖವರ್ಧಕದಂತೆ ನೈಜತೆ ಬದಲಾಯಿಸಿಕೊಳ್ಳಲು ನಂಬಿಕಸ್ಥರೆ!

-

ಬಾಳಲ್ಲಿ ನನ್ನದೆನ್ನುವುದೇನಿಲ್ಲ
ಬಂದರೆ ನನ್ನದೇನ್ನುವರು
ಬರದಿರೆ ನಿನ್ನದೆನ್ನವರು
ಬೇಕು ಬೇಡಗಳ ನಡುವೆ ವ್ಯರ್ಥದಿ
ಸಂತಸಕ್ಕೆ ಸಂತಾಪ ಹೇಳಿ
ಜೀವನ ಕಳೆಯುವರೆಲ್ಲ.

-