அம்மா என்ற சொல்லிற்கு எல்லா வார்த்தைகளையும் சேர்த்து
நானும் கவிதை எழுத
உந்தன் அன்பு பாசம் அரவணைப்பு ஒப்பற்ற சேவைக்கு முன்
சொல் இழுந்து போனது எனது கவிதையும்

என் முகம் அறியும் முன்பே
என் குணம் தெரியும் முன்பே
என்னை நேசித்த முதல் பெண் நீதான்
நான் நடைபழகுகையில்
தவறி விழும் பொழுதெல்லாம்
என்னை தாங்கிய தூண் நீயே
நான் பேச பழகியதும் அம்மா
என்று உன்னை அழைக்க
உச்சு முதல் பாதம் வரை
முத்தமழை பொழிந்தவள் நீதான்
என் கை பிடித்து எழுத படிக்க
கற்று தந்த முதல் குரு நீயே
மனம் குழம்பி தவிக்கையில்
வழிக்காட்டும் தோழி நீயே
என்ன தவம் செய்தேனோ இந்த பிறவியில்
உன் மகளாய் நான் பிறப்பதற்கு
நன்றி என்ற ஒற்றை சொல்லில்
அடைத்து விட முடியாது அந்த பிறவியில் நீங்கள் எனக்கு
தந்த அழகான வாழ்விற்கு
மறுபிறவி உன்னோடு வேண்டும் என்று இறைவனிடம்
நானும் வேண்டித்தான் தீர்ப்பேனோ
இப்பிறவியில் நான் பெற்ற கடனையும் இந்த தாய்க்கே மீண்டும்
மகளாய் வந்து நானும் பிறந்து...

-

உன்னோடு பேசாத பேச்செல்லாம்
ஓர் ஆயிரம் முறை பேச வேண்டும் என்று
நெஞ்சுக்குள் ஒத்திகை பார்த்ததும்,
என்னை மறக்கச் செய்கிறது…

உன் அழைப்பு வந்ததும்,
சிறிய நாணம் வந்ததும்,
உன் குரல் கேட்ட தருணத்தில்
மலர்ந்தது என் இதழ்கள் —
முத்துப் பற்கள் தெரியும் வண்ணம்!

அந்த சிரிப்பில் சொற்கள் இல்லை,
உன் காதல் சொல்லாமலே
எல்லா வார்த்தைகளையும்
தின்றுவிட்டு சென்றது.

-

அவள் கேட்டாள்,
அவன் பேசினான் -
வார்த்தைகளுக்கும் மௌனத்திற்கும்
இடையில் எங்கோ மலர்ந்தது
ஓர் அழகான காதலும்
இந்த கவிதை போல்
இரு இதயங்களிலும்...

-

வானவில்லாக வந்து
அந்த நீ(ல)ள வினையும்
அலங்கரித்து செல்கிறது
எந்தன் நெஞ்சம் நீங்கா
உன் நினைவுகளும்....

-

சில சொற்கள் மட்டும்
செவிகளுக்கு இனிதாய்
தேன்மொழி அவளின்
கனி மொழியோ
கவிதையாய்
நினைக்க நினைக்க
என் மனம் கேட்க தூண்டும்
தேனிசை தான் அவளும்...

-

ஒரு வரி விடாமல்
படிக்க தான்
தூண்டுகிறது
இந்த காதலும்
அவள் மனம் என்னும்
புத்தகமாக எந்த
கைகளில் கிடைத்ததும்...

-

காணும் இடமெல்லாம்
காதல் நினைவுகள்
விண்மீன்களாய்
அந்த நீள வானில்
மின்னி உன்னை
எண்ணி உருக
வைக்கிறது என் மனதை...

-

காதல் முதல் கடிதம் வரை
பேசியது எல்லாம்
என்னுள் நிரம்பி வழியும்
உந்தன் மீதான
எந்தன் காதல் மட்டுமே...

-

நீ வந்து சென்ற
தடம் இல்லை
இருப்பினும்
பயணம் தொடர்கிறது
என் வழியின்
இடையில் வழி
துணையாக
நீ வருவாய் என்னும்
நம்பிக்கையில்
தொடர்கிறது
இந்த காதல்
பயணமும்
உன் காதலால்...

-

சில உண்மைகள்
பொய்யாகும் போது
மெய்யான உண்மையை
மனம் ஏற்க மறுத்து
பல உண்மைகள்
பொய்யாகிறது...

-