ହେ ଜୀବ ଶ୍ରେଷ୍ଠ! ସୁପୁରୁଷ! ଫିଙ୍ଗି ଦିଅ ମନ ରୁ ଭୟ ଅସନ୍ତୋଷ,
ତୋ ସାଥିରେ ଅଛି ପରା ମାଆ ର ଆଶିଷ
ପୁଣି ପିତାଙ୍କ ସାହସ! ତୋ ଦେହ ରେ ଅଛି
ଶତ ସିଂହ ର ବଳ! କରାଅ ଜାଗ୍ରତ ତୋ ସୁପ୍ତ ପୁରୁଷ
ପିଠି ରେ ଲଦି ଦୁଃଖ ଆଉ ଯନ୍ତ୍ରଣା ର ବୋଝ
ଅତିକ୍ରମ କରି ଚାଲ ଦୁର୍ଗମ ପଥ
ନ ରଖି ମନ ରେ ଖେଦ ଅବା କିଛି ଦ୍ଵନ୍ଦ।
କୃଷ୍ଣ ସଖା ପତ୍ନୀ, ସଖୀ କୃଷ୍ଣା ସମ
ଶ୍ରୀକୃଷ୍ଣ ପାଦେ ହେଲେ ସମର୍ପିତ, ବିଜୟ ସୁନିଶ୍ଚିତ।
ତୁମେ ସେଇ ପାର୍ଥ! ଆତ୍ମୀୟ ସ୍ଵଜନେ ଦେଖି ମର୍ମାହତ!
ତୁମେ ସେଇ ପାର୍ଥ, ଅଭିମନ୍ୟୁ ତାତ! ତୁମେ ଜାଣ ଚକ୍ରବ୍ୟୁହ ଭେଦ
ତୁମେ ସେଇ ପାର୍ଥ! ଶ୍ରୀକୃଷ୍ଣ ସଖା ପୁଣି ପରମ ଭକ୍ତ,
ତୁମ ପାଇଁ ଶିରୋଧାର୍ଯ୍ୟ ଶ୍ରୀ କୃଷ୍ଣ ଙ୍କ ର ପ୍ରତି ଟି ଆଦେଶ!
ପଛଘୁଞ୍ଚା ନାହିଁ ପାର୍ଥ! ଭୁଲି ଦୁଃଖ ଶୋକ,
କରିବାକୁ ହେବ ଅବିରତ, ଏ ଜୀବନେ ନୀରବ ସଂଘର୍ଷ ....
ଯେ ପର୍ଯ୍ୟନ୍ତ ମିଳି ନାହିଁ ପ୍ରଭୁ ଙ୍କ ନିର୍ଦ୍ଦେଶ।

-

ବୟସ ଛାଡ଼ିଲା ହାତ ମହାପ୍ରଭୁ! ପାଉନାହିଁ ଆଉ କାତ,
ଏ ଭବ ସାଗରେ ଅଥଳ ଜଳ ରେ
ଜୀବନ ନଉକା ମୋ ଭାସେ ପାରିକର ଜଗନ୍ନାଥ ମହାପ୍ରଭୁ!
ବୟସ ଛାଡ଼ିଲା ହାତ....।
ଯାହା ମୁଁ କରିଛି ଦୋଷ ମହାପ୍ରଭୁ! ଯାହା ବି କରିଛି ପାପ,
ବାରେ କ୍ଷମା କର ହେ କ୍ଷମା ର ସାଗର!
ମୁଁ ଯେ ଅକିଞ୍ଚନ ନାହିଁ ମୋର ଜ୍ଞାନ, ଦେଖାଅ ସୁପଥ ମହାପ୍ରଭୁ!
ବୟସ ଛାଡ଼ିଲା ହାତ...।
ବଞ୍ଚିବାକୁ ନାହିଁ ଲୋଭ ମହାପ୍ରଭୁ! ମନେ ମୋର ନାହିଁ ଗର୍ବ,
ଧନ, ଯଉବନ ସବୁ ତ ଅଳୀକ
ଦିନେ ଏଇ ରଙ୍ଗ ରୂପ ନିଆଁ ରେ ପାଉଁଶ ହବ, ମହାପ୍ରଭୁ!
ବୟସ ଛାଡ଼ିଲା ହାତ...।
ଚରଣେ ଶରଣ ରଖ ମହାପ୍ରଭୁ! ଥରେ କୃପା ନୟନ ରେ ଦେଖ
ଜୀବନ ର ଅନ୍ତେ ଜୀବ ପାଉ ମୋକ୍ଷ,
ଏବେ ଯେତେ ଇଚ୍ଛା ମୋତେ ଦିଅ ପଛେ ଦୁଃଖ ମହାପ୍ରଭୁ!
ବୟସ ଛାଡ଼ିଲା ହାତ...ପାଉ ନାହିଁ ଆଉ କାତ ମହାପ୍ରଭୁ! 🙏

-

ना सोचो इतना,
तुम्हें ये न मिला, वह न मिला
सोचो ज़रा तुम्हें जो भी मिला
औरों को न मिला इतना।
ना कर रब से कोई शिकायत
ना कर कोई फरियाद
शुक्र मनाओ अब जो तुम हो सलामत
प्रभु जी है तुम्हारे साथ,
हर पल करो उनको याद।
ये धन दौलत ये शानों शौकत
न रहेंगे दो दिन बाद
ना मांगो सोना चांदी, ना मांगो हीरे मोती
मांग लो उनकी साथ।
भुला के सबकुछ, हो जाओ समर्पित
श्याम सुंदर से कर लो प्यार
वह करेंगे सब का बेड़ा पार!
श्याम सुंदर से कर लो प्यार।🙏🏻

-

ଧର୍ମ କୁ ଧାରଣ କରିବା ପାଇଁ ଧର୍ମ କୁ ସାକ୍ଷୀ ରଖି
ଗ୍ରହଣ କରିଛ ଧର୍ମ ପତ୍ନୀ ପରା! ତାକୁ ଖୁସି ରେ ପାରୁନ ରଖି।
ତାକୁ ଦେଖାଉଛ ନାଲି ଆଖି, ପତି ଧର୍ମ କୁ ପାଳନ ନ କରି
ବିନା ଦୋଷେ ହୁଏ ଦୋଷୀ ସବୁବେଳେ ସେ ବିଚାରି ନାରୀ।
ପିତା ଘର ଛାଡ଼ି ପତି ହସ୍ତ ଧରି ପତ୍ନୀ ସାଜି ଆସେ ନାରୀ,
ସେ ତ ପୁରୁଷ ର ଅର୍ଦ୍ଧାଙ୍ଗିନୀ! ଅଟେ ଗୃହ ଲକ୍ଷ୍ମୀ ପରି।
ସେ ତ ଦିଏ ପିଣ୍ଡ ଭାତ ବାଢ଼ି, ପିତୃ ପୁରୁଷ ଙ୍କୁ ଦିଏ ପାଣି
ଯେତେ ଧର୍ମ କର୍ମ କରେ ସେହିଁ ନର ପାଖେ ଥିଲେ ସିନା ପତ୍ନୀ।
ପତିପ୍ରାଣା ବୋଲି ଦିଅଇ ପ୍ରମାଣ ନାରୀ ସାଜେ ସୀମନ୍ତିନି!
ପତି ସାଥେ ପତ୍ନୀ ଗଢ଼ଇ ସଂସାର ଦୁଃଖ କଷ୍ଟ କୁ ସୁଖ ମଣି।
ନିନ୍ଦା, ଅପବାଦ ନୀରବ ରେ ସହେ ନିଜ ସ୍ବାର୍ଥ କୁ ଦେଇ ବଳି
ଆହା ପଦେ ଶୁଣିବା ତ ଦୂର କଥା ରାତି ପାହିଲେ ଶୁଣଇ ଗାଳି।
କେହି ନ ବୁଝିଲେ ନାହିଁ ହେ ସ୍ବାମୀ! କିଛି ବି ନ ଦେଲେ ନାହିଁ
ମିଠା କଥା କହି ତା ମନ ବୁଝିଲେ ତା ଠାରୁ ସୁଖ ତ ନାହିଁ!!!

-

ହରେ କୃଷ୍ଣ ହରେ କୃଷ୍ଣ, କୃଷ୍ଣ କୃଷ୍ଣ ହରେ
କୃଷ୍ଣ ନାମ ଯିଏ ଭଜେ ଏ ଭବ ସଂସାରୁ ତରେ।
ଭଜ ମନ କୃଷ୍ଣ ନାମ ଜପୁ ଥା’ ରେ କୃଷ୍ଣ ରାମ
କୃଷ୍ଣ ପାଦେ ଥାଉ ଧ୍ୟାନ ନିତି ଶୁଣୁ ଥା କୃଷ୍ଣ କଥା ରେ।
ହରେ କୃଷ୍ଣ ହରେ କୃଷ୍ଣ, କୃଷ୍ଣ କୃଷ୍ଣ ହରେ ହରେ...।
ଏ ତ କଳି ଯୁଗ ମହମନ୍ତ୍ର ଲୋଡ଼ା ନାହିଁ ଯନ୍ତ୍ର ତନ୍ତ୍ର
ଜୀବ ହୁଏ ମୋକ୍ଷ ପ୍ରାପ୍ତ ତାକୁ ନ ଲାଗେ ଯମ ଦଣ୍ଡ ରେ।
ହରେ କୃଷ୍ଣ ହରେ କୃଷ୍ଣ କୃଷ୍ଣ କୃଷ୍ଣ ହରେ ହରେ...।
ହେ! କୃଷ୍ଣ ମାଗେ ଶରଣ ରଖ ପ୍ରଭୁ ନାରାୟଣ
ଯେବେ ପିଣ୍ଡ ରୁ ଛାଡ଼ିବ ପ୍ରାଣ ତୁଣ୍ଡେ ଥିବ ତୁମ ନାମ।
ହରେ କୃଷ୍ଣ ହରେ କୃଷ୍ଣ କୃଷ୍ଣ କୃଷ୍ଣ ହରେ ହରେ...। 🙏

-

ଅଗଷ୍ଟ ପନ୍ଦର ପରା ଆଜି ଅତୀତ ଯାଇଛି ହଜି
ମନେ ପଡ଼େ ସ୍ମୃତି ରାଜି ଆଖି ଯାଏ ଲୁହେ ଭିଜି।
ଏ ଦେଶ ର ନର ନାରୀ ଦେଶ ପାଇଁ ଗଲେ ମରି
ଇତିହାସ ମୁକ ସାକ୍ଷୀ କେତେ ଦୁର୍ଦ୍ଦିନ ସେ ଦେଖି ଅଛି।
ହାତ ରେ ତ୍ରିରଙ୍ଗା ଧରି ଆମେ କହୁ ସିନା ଗର୍ବ କରି
ଇଂରେଜ ଆମକୁ ଡରି ଛାଡ଼ି ଚାଲିଗଲେ ମୁକ୍ତ କରି!
ଆମ ସ୍ବାଧିନ ଦେଶ ର ମାଟି ଖୁସି ରେ ପଡୁଛି ଫାଟି
ଅବଳା କାନ୍ଦୁଛି ଲୁଚି ଏଠି ତା ର ସର୍ବସ୍ବ ଯାଇଛି ଲୁଟି।
ତୋଷାମଦିଆର ଖୁବ୍ ଖୁସି ଲାଞ୍ଚ ଦିଆନିଆ ବେଶୀ
ସ୍ୱାଧୀନତା ରସ ଚାଖି ଦେଖ କେମିତି ଅରାଜକତା ଚାଲିଛି!
ସ୍ୱାଧୀନତା ନାମେ ଶାସ୍ତି କେତେ ଯେ ବିଶୃଙ୍ଖଳା ଆଉ ମସ୍ତି
ସ୍ବାର୍ଥ ପାଇଁ ଚାଲେ ରାଜନୀତି କଡ଼ା ଶାସନ ଲୋଡ଼ା ଏଠି।
ହେ ଦେଶ ର ଯୁବ ପିଢ଼ି! କରେ ନିବେଦନ ହାତ ଯୋଡ଼ି
ସଚେତନ ହେଲେ ସିନା ଦେଶ ଚଢ଼ିବ ସମୃଦ୍ଧି ର ସିଢ଼ୀ।
ଜୟ ହିନ୍ଦ୍🙏ଜୟ ଭାରତ 🙏

-

ମୁଁ ନୁହେଁ ଗାନ୍ଧାରୀ, ନାହିଁ ଦିବ୍ୟ ଦୃଷ୍ଟି ମୋର,
କ୍ଷଣ ମାତ୍ର ଚାହିଁ ଦେଇ ତୋ ଦେହ କୁ କରି ଦେବି ବଜ୍ର!
ଶତ ଚେଷ୍ଟା କଲେ ବି ବିଫଳ ହେବ ଭୀମ ର ପ୍ରହାର।
କହି ପାରିବିନି ତୋତେ ଚିରଞ୍ଜିବୀ
ଅବା ମୃତ୍ୟୁଞ୍ଜୟ ଭଵଃ! ବୁଝେନା ମୁଁ ଭଲ ମନ୍ଦ
ବାତ୍ସଲ୍ୟ ମମତା ରେ ଅନ୍ଧ ଜନନୀ ତୋହର।
ଦବା ପାଇଁ ଏ ଆଶୀର୍ବାଦ ନାହିଁ ରେ ଧନ ସାମର୍ଥ୍ୟ ମୋହର।
ଜଗତ ଜନନୀ ଙ୍କୁ ମାଗେ ତୋ ପାଇଁ ଆଶୀଷ,
ସାଫଲ୍ୟ ମଣ୍ଡିତ ହେଉ ତୋର ଚଲା ପଥ
ଲୋଭ, ମୋହ ତେଜି ଗର୍ବ ଅହଙ୍କାର
ମାତୃ କୃପା ପ୍ରାପ୍ତ ହେଉ ଏ ଜୀବନ ତୋର,
ଚିତ୍ତ ତୋର ସଦା ରହୁ ପ୍ରଭୁ ପାଦେ ସ୍ଥିର।
ମୋତେ ମିଳୁ ତୋ ପାପ ର ଫଳ, ଅଭିଶାପ ପ୍ରାରବ୍ଧ ର,
ତୋତେ ମିଳୁ ଯଦି କିଛି ଥାଏ ପୁଣ୍ୟ ଫଳ ମୋର,
ଏ କଥା ଯଦି ହୁଅଇ ସମ୍ଭବ, ତୋତେ ମିଳୁ ସର୍ବ ସୁଖ
ଏଇ ତୋର ଜନନୀ ର ଶେଷ ଆଶୀର୍ବାଦ!!!

-

ଆକାଶେ ଚପଳା ଦେଖାଏ ତା ଲୀଳ।
ବଢୁଛି ବରଷା ରାତି
ଉଛୁଳା ନଈ ଦେଖ ଯାଉଛି ବହି
ଗାଉଛି ମିଳନ ଗୀତି,
କଥା ଦେଇ କଥା ପାରିଲିନି ରଖି
ବୁଝିବ ମୋ ପରିସ୍ଥିତି,
ଧାରା ଶ୍ରାବଣ ରେ ମେଘ ଗରଜୁଛି
କୁହ ମୁଁ ଯିବି କେମିତି?

-

ହେ ମହାବାହୁ! ଧରି ଥାଅ ହାତ ମୋର
ଏତେ ବଡ଼ ଦୁନିଆରେ
ଏକା ଏକା ମୋତେ ଲାଗେ
ପାଦ ମୋର ହୁଏ ଟଳ ମଳ
ଚାଲିବା କୁ ନାହିଁ ଆଉ ମନୋବଳ
ଲୁହ ରେ ମୋ ଆଖି ଛଳ ଛଳ
ପ୍ରଭୁ! ସାରି ଦିଅ ମୋର ଖେଳ,
ନ ହେଇ ଥାଉ ପଛେ ମୋ ବାହୁଡା଼ ବେଳ,
ଅଶାନ୍ତି ର ପାରାବାରେ ପାଉ ନାହିଁ ଥଳ କୁଳ,
ତୁମେ ଏକା ସାହା ମୋର,
ପ୍ରତି ଟି ମୁହୁର୍ତ୍ତ ମୋର ତୁମ ପାଦେ ସମର୍ପିତ
ଏଥର ପ୍ରଭୁ! ବାହୁଡ଼ାଇ ନିଅ ମୋତେ
କୋକେଇ ର ସବାରି ରେ ଯିବି ସ୍ବର୍ଗ ଦ୍ବାର,
ପ୍ରଶାନ୍ତି ମୁଦ୍ରା ରେ ଶୋଇଥିବି ଚିର ନିଦ୍ରା ରେ
ପ୍ରାଣ ମୋର ହୁଅଇ ବିକଳ। 🙏🏻

-

ଧନ୍ୟ ହେଲି ମହାପ୍ରଭୁ ଦେଖି ତବ ମହିମା ଅପାର!
ଅତି ଦୟାବନ୍ତ ତୁମେ, ତୁମେ ପରା କରୁଣା ସାଗର।
ଶୁଣିଅଛ ଡାକ ମୋର ଯେବେ ପହଞ୍ଚିଲ ସିଂହଦ୍ୱାର
ଡୋରି ଲଗାଇ ସତେ କି ଟାଣିଲ ପ୍ରଭୁ! କେଡ଼େ ଭାଗ୍ୟ ମୋର!
ଘୋର ବରଷା ରେ ଧାଇଁ ଗଲି ରାତି ଟା ରେ ଶ୍ରୀକ୍ଷେତ୍ର।
ତୁମ ବଡ଼ ଦାଣ୍ଡ ରେ ଦେଖିଲି ରଥ ରେ ତିନି ଠାକୁର
ସାର୍ଥକ ହେଲା ମୋର ଜନ୍ମ! ନେତ୍ର ହେଲା ମୋ ପବିତ୍ର।
ଚକା ନୟନ କୁ ଚାହିଁ ଝରି ଗଲା ମୋର ଅଶ୍ରୁ ଧାର
ଅନ୍ତର୍ଯ୍ୟାମୀ ତୁମେ! ଅନ୍ତର କଥା କୁ ତୁମେ ହିଁ ଏକା ବୁଝି ପାର।
ଧନ୍ୟ ହେଲି ମହାପ୍ରଭୁ ଦେଖି ତବ ମହିମା ଅପାର!!! 🙏

-