నా జీవితం సంగీతమైతె శోకమే ఒక రాగమవదా
నా ప్రాణమే సాహిత్యమైతె జీవితం ఓ గానమవదా

గుండెపగిలే వంద బాధలు మనసునే వేధించనీ
బాధ కూడా కావ్యమైతే వేదనే ఓ వేడుకవదా

కలతలేనీ కన్నులేవీ? నీరుపారని పల్లమేదీ
కలతలన్నీ కవితలైతే ఇంకా మనసుయే మైదానమవదా

నడకనడకకు అడుగు ఆగితే కదనమంచుకు కదిలిపోవు
నడకనీదీ నత్తదైనా ఏ ఎత్తుఅయినా చిత్తుఅవదా

విప్పడానికి జీవితం ఒక పొడుపుకథయే కానేకాదు
జీవించడం నీ దారి అయితే ఇక బ్రతుకుయే గోదారి కాదా

-

____________

-

____

-

.....

-

__________

-

______

-

కవిత్వం

ఇది కేవలం నాలుగైదు అక్షరాల కలయిక కాదు..
ఇది నిగూఢమైన భావాలకు
అక్షర అక్షరాల పూలమాల..
ఇది కవి కణకణమూ ఉత్తేజితమైనపుడు
వెలువడే భావాల లావా..
కవి మనసు ఒత్తిడికి లోనైనప్పుడు,
కవి ఆడే కేళి కవిత్వం ..

-

___________

-

_________

-

________

-