THE END

-

புதிய விடியல் வரும்
பூபாள இசை தரும்

-

அரைக்குவளை நீர்
மற்றவர் பார்வையில்
அரைக்குவளை காலி

இரண்டிலும் உண்மை உண்டு
புரிந்து கொண்டால்
நன்மை உண்டு

-

திருமாலின்
அவதாரம் தான்
இராமன்
என்று
நம்பும் உலகம்
லெட்சுமியின்
அவதாரம் தான்
சீதை
என்று
நம்புவதில்லை

-

ரெண்டு எழுத்து "கட்"
ஆகியிருக்கு..
போடா க்கு இடைல
சேத்துக்கோ..

-

இப்போதும் கூட ஆளில்லா இரவுகளில்
அந்தப் பேருந்து நிறுத்தம் தனில் வந்து அமர்கிறேன்
கண்ணுக்குத் தெரியாத கரம் ஒன்று
காற்றின் பாதையில் நீண்டு
என் கண்ணீர் துடைக்கிறது
அப்போது எழும் உன் வாசனை திரவியம்
உன்னை உறுதி செய்கிறது

-

ஒரு மழை நாளில்
உன்னோடு இணைந்து நடக்க
குடைக்குள் வரச் சொன்னாய்

நான் மறுத்தேன்.. என்பதால்
உனக்குக் கோபம்

இன்னார் வீட்டுப் பெண்
எவனோ ஒருவனோடு
குடைக்குள் ஒட்டிக் கொண்டு நடந்தாள் எனும் அவப்பெயர் உனக்கெதற்கு?

நான் நனைந்தே போகிறேன்

-

எந்தச் சுமையும்
சுகமல்ல..
கர்ப்பம் தவிர..

-

மரணம்..
வரும் போது வரட்டும்..
அது வரை
செத்துச் செத்துப் பிழைப்பதழகு

எவரையேனும் நேசித்த பின்
வாழ்ந்து வாழ்ந்து
சாவதழகு ..

-

நொறுங்கிய என்னை
மாற்றி விடப் பலருண்டு
நொறுங்கிய மனதைத்
தேற்றி விட எவருண்டு?

-