உன்னை நினைத்து
கண்ணை மூடி
கனவில் திளைத்து
இரவை தொலைத்தேன்

-

வரிகள் தரும் வெளிச்சத்தில்
வலிகளின் இருள் மறைகிறது

-

உன் நினைவில் இவள் வாட
உதிருகிறது கண்ணீர்...
பூவாய் நான் மலர
மழையாய் நீ வாடா!

-

அதீத உணர்வுகளின் கூடாரம்
விதி நினைத்து விடுவித்தால் அன்றி
விடுதலை பெறுவதென்பது
சாத்தியமில்லா ஒன்று

-

ஒன்றுக்கான நீண்ட நேர
காத்திருப்புக்கு பின்
அதை அடையும் தருணத்தில்
தவிர்க்க முடியாத சூழ்நிலையால் அனுபவிக்க இயலாமல் போவதெல்லாம்
சொல்ல முடியாத வலி

-

தயக்கத்தின் பிடியில் இருந்து
விடுதலைக் கொடுத்து
மனதில் இருப்பவை
அனைத்தையும் கூற
வசதியான ஒரு சூழலை
உருவாக்கிக் கொடுக்கும் ஓர்
உறவு கிடைப்பதெல்லம் வரம்

-

இரவைக் கடப்பதும்
உன் நினைவுகள் இல்லாமல்
பகலை கடப்பதும்
ஒருபோதும் சாத்தியமில்லை

-

வலிகளின் வருகை சற்று
வினோதம் ஆனதே

-

பறக்கத் தான் விரும்புகிறேன்
அன்பெனும் சிறையில் பிடிபட்ட நான்

-

என் வாழ்வின்
ஒவ்வொரு பக்கத்திலும்
தவிர்க்க முடியாத
வரிகள் நீ...

-