கவிதா சுதாகர்   (கவிதாசுதாகர்)
603 Followers · 333 Following

Joined 1 July 2018


Joined 1 July 2018

அலுப்பு
ஆற்றாமை
இயலாமை
எரிச்சல்
ஏமாற்றம்
கோபம்
தாபம்
வெறுமை
தனிமை
அனைத்தையும்
மெல்ல சுவைத்து
இளைப்பாறினேன்

-


Show more
40 likes · 9 comments

அம்மா உன் கனிவு போதும்
என் களங்கம் துடைத்து விடுவேன்
காதல் என்றெண்ணி புத்தி தடுமாறியது
காட்சிபிழையாகி இன்று உன் முன்னே
கட்டுப்பாடுடன் தான் வளர்த்தாய் நீ
கட்டவிழ்த்த கன்றாய் ஓடினேன் நான்
கற்பனை பிறழ்வில் கலங்கிய என்னை
கருணை கொண்டு எனை மீட்டெடுத்து
புதுநம்பிக்கை விதைத்தாய் அம்மா...

-


Show more
31 likes · 6 comments

ஒப்பாரிப் பாடல்

மீனு வாங்கப் போனவரே
மீதம் இல்லா வந்தவரே
கனவா போகக் கூடாதா-என்
கண்ணு அவிய கூடாதா
செவிடா போகக் கூடாதா-நான்
செத்து மடியக் கூடாதா
என் ஆசை மச்சானே
என் உசிரு நீதானே
மூனு உசிரை விட்டுபுட்டு
உன் உசிரை தேடிபோனாயோ
சமைஞ்ச நாள் முதலா
உன்னை நினைச்சு வளந்தேனே
சமைக்கும் போதும் கூட
உன்னை நினைச்சு இருப்பேனே
உருகுலைஞ்சு நிக்கேன் மச்சான்
உலைய பத்தி நினைப்பேனா
முகமில்லா கிடக்கும் என்ராசா
முகவரிக்கு எங்க போவேன்
கட்டியவள மறந்து போனாயோ
கண நேரத்தில உசிரவிட்டாயோ
அய்யா எந்திரினு பிள்ளயழுவுது
அழும் புள்ளய தேத்துராசா
வவுத்து பிள்ளைக்கு வழிசொல்லு
வவுத்து பொழப்புக்கு நீயேபொறுப்பு
காலன் வந்து அழைச்சா
காரணம் கேட்க தோணலையா
எமனா வந்தான் லாரிக்காரன்
என்னையும் கூட்டிப்போ மச்சான்
பூவும் பொட்டும் வேணாம்
பூவரசன் நீ மட்டும் போதும்
மஞ்சக்கயிறும் வேணாம் மச்சான்
மகராசன் நீ மட்டும் போதும்
பாடையில போறவனே...
பாதியில விட்டுப் போறியே
பாவம் தொலைக்க போனாயோ
பாவி என்னையும் கூட்டிப்போ
காலமெல்லாம் இருப்பேன் சொல்லி
காலனுடன் போவது ஏனோ
எந்திரிச்சு வந்திடு மச்சான்
என்னை நினைச்சுப் பாரு மச்சான்....

-


Show more
32 likes · 29 comments

அண்ணா அண்ணா எங்கே போறீங்க
எறும்பு அண்ணா எங்கே போறீங்க
சாரைசாரையாய் நீங்க எங்கே போறீங்க
சுறுசுறுப்பை கொஞ்சம் கற்றுத் தாருங்கள்

சின்னத்தம்பி குட்டித்தம்பி வழியை விடுங்கள்
நின்று பேச எங்களுக்கு நேரமில்லையே
உணவைத் தேடிதேடி அலைந்து திரிகிறோம்
நாளையப் பொழுதிற்கும் இன்றே சேமிக்கிறோம்

அண்ணா அண்ணா கொஞ்சம் நில்லுங்கள்
சிற்றெறும்பாய் இருந்து கொண்டு நீங்கள்
இருபது மடங்கு கூடுதல் எடையை இழுக்கிறீர்கள்
தன்னம்பிக்கையை கொஞ்சம் கற்றுத் தாருங்கள்

சின்னத்தம்பி குட்டித்தம்பி வழியை விடுங்கள்
எத்தனை தடைகள் வந்தாலும் தகர்த்திடுவோம்
காலநேரத்தையும் விரயம் செய்யமாட்டோம்
முயற்சி கொண்டே முன்னேறிச் செல்வோம்

அண்ணா அண்ணா சற்று நில்லுங்கள்
ஓயாது உழைக்கும் நீங்கள் உங்களின்
உழைப்பின் மகிமை சொல்லிச் செல்லுங்கள்
உங்கள் பொறுமையையும் கற்றுத் தாருங்கள்

சின்னத்தம்பி குட்டிதம்பி வெல்பவர்கள் தளர்வதில்லை
தளர்பவர்கள் வெல்வதில்லை என்பதை புரிந்துகொள்
இதுவே தாரகமந்திரம் என்பதை உணர்ந்துகொள்
உழைக்கும் எண்ணம் போதும் வெற்றி நிச்சயமே

எறும்பு அண்ணாவிற்கு மனமார்ந்த நன்றிகள்
உன்போல் திடமாய் நாங்களும் வாழ்ந்திடுவோம்
எத்தனை தடைகள் வந்தாலும் தகர்த்திடுவோம்
அயர்ச்சி இன்றியே முயற்சி கொள்வோம்

கவிதா சுதாகர்

-


Show more
29 likes · 15 comments

9. மெல்லினமே வல்லினமாகிவிடு
இடித்துரைக்கும் இடைப்பாட்டை
தகர்த்தெறிந்து வல்லினமாகிவிடு...

10.பெண்ணே அகலிகையாய் போனாயோ
இராமனின் வரவுக்காக காத்திராதே
உன்னை நீயே செதுக்கும் சிற்பியாகு...

-


Show more
41 likes · 12 comments

7. வெயில் மரத்தை
சாய்த்து கீழே போட்டு
சற்று இளைப்பாறுது
இளங்காற்றில்...

8. பனங்காட்டின் நடுவில்
இலவு காத்த கிளியொன்று
பேசிக் கொண்டே இருக்குது
அய்யனாரின் தனிமையை...

-


Show more
34 likes · 9 comments

5.தேநீர் கோப்பையிலும்
சோற்றுப் பருக்கையிலும்
அவளைத் தேடுகிறேன்
அம்மா

6. நிலவைத் தேடுகிறேன்
முற்றத்திலும் காணவில்லை
அடுப்படியில் இளைப்பாறுகிறாள்
அம்மா

-


Show more
26 likes · 6 comments

3. தவளை இசைத்துப்
பாடிக் கொண்டிருக்குது
தன் மரணத்தை...

4. மரித்த மஞ்சள் இலைகள்
இறகாய் காற்றில் மிதுக்குது
சடுதியில் சருகாகி உரமானது..

-


Show more
26 likes · 5 comments

1. சிறகுகளற்ற பறவை
வானில் பறக்கின்றன
பாலகனின் மகிழ்ச்சியில்
பட்டம்

2. காகம் தன்நிழ
பார்த்து நெகிழ்ந்தது
நிழலும்நிசமும் ஒன்றென..

-


Show more
28 likes · 5 comments

அடடா
கார்கூந்தல் கவிபாட
கண்ணம் உரசியுரசி
சதிராடுது கம்மலும்
கயல்விழி இரண்டும்..
கோபம் கொள்வதேனோ...

-


21 likes · 10 comments

Fetching கவிதா சுதாகர் Quotes

YQ_Launcher Write your own quotes on YourQuote app
Open App