சின்னஞ்சிறு இரகசியமே!
சிதைந்துபோன இரகசியமென்ன?
கடுகளவே கருவான உன்னை- இந்த
கரியவுலகிற்கு காண்பித்தது என் பிழையோ?
- கலைந்த கருவின்
கலங்கும் தாய்

-

வேண்டுமென்று
ஏங்கியிருந்த காலங்களை
எண்ணியே
விடிந்தும் உறங்கா
விட்டில் பூச்சியாய்
விடியலைநோக்கி

-

அணைக்க முடியவில்லையேயென
அலைபேசியில் அழைக்கும்
நான்
தொடமுடியா தூரத்திலிருந்து
தொலைப்பேசியிலே எத்தனைநாளென்று
நீ
இணைப்புகளின்றி இணையுங்களென்று
காத்திருக்கும்
நம் காதல்😍

-

அலாதி ஆசைகள்
அலைபேசியிலே
தொலைதூர காதலால்

-

என் காய்ச்சலுக்கு ஔடதம்
நீ !

-

Relentless desire to guzzle the relishing” YOU”

-

காதலின் விதை
காட்டில் விழ..
கன்னி, நான்
காட்டில் விளைந்த
கள்ளியானேன்...
கள்ளி, நான்
பூப்பூத்தால்(ள்)
காட்டில் முளைத்ததன்
கதி மாறும் என்றெண்ணி
காத்திருக்க.

கதி மாறுமோ !
கன்னியின்
விதி மாறுமோ !

-

தீண்டலின்றி சீண்டலின்றி
கூடலின்றி கொஞ்சலின்றி
ஊடலின்றி உடலின்றி
உயிர் மட்டும் கொண்டு
உயர்காதல் கொள்வதே

“தொலைதூரக்காதல்”

-

இறகில் பஞ்சென
தெரிந்தும்
இறுக்கியே இளகிடச்
செய்யும்
இரும்புக்கைகள் உணர்த்தியது
இவனது
ஈடில்லாக்காதலை!

-

அவளை
சிலிர்க்க வைக்கும்
சிணுங்க வைக்கும்
மழைக்காற்றாக
நான்
மாறமாட்டேனோ!

-