"ఆఖరి ఊపిరి"
ఉదయం, హాయ్ చెప్పినంత సులువుగా
హృదయం, అంతిమ బాయ్ చెప్పాలి ...
ముక్కుతూ మూలుగుతూ కాకుండా
నవ్వుతూ నడుస్తూ నవ్విస్తూ వెళ్ళిపోవాలి ...
పోయిన క్షణాలు ఏ గుండెకు గుర్తులవ్వాలి
ఆ జ్ఞాపకాలు పూ పుప్పొడిలాగ నిలవాలి ...
సామవేద సాధన, సంస్కారం ఇవ్వాలి
ఋగ్వేద ఋషులు, రూపంగా అవ్వాలి ...
యజుర్వేద యతులు, వెదురులా వంచాలి
అధర్వణ ఆరాధన, ఆత్మయై అలరారాలి ...
యజ్ఞంలో హవిస్సులా, దగ్ధమైన సంచితాలు
రుద్రం ఊపిరులై, శుద్ధం శరీర తత్వమవ్వాలి ...
అపుడు ... హాయ్ చెప్పినంత సులువుగా
అందరికీ, అంతిమ బాయ్ కూడా చెప్పాలి ...
... ✍ "కృష్ణ" కలం

-

Feeling the heart beat and
ability to experience the joy
and move forward with life

-

When you believe the sweet words
When you trust the false promises
When you consider glittering is Gold …

-

"అవును :)"
అవును :)
నాకూ ఇష్టాలుండేవి
అవి చిన చిన్న ఇష్టాలు
కొన్ని పెద్దవైనా చాలా స్పష్టాలు ... !
నిజమే :)
ఆ కూరిమి కోసం
నే కన్నవి ఎన్నో కలలు
ఆ మక్కువ కోసం నేఎక్కిన మెట్లు ... !
అలా :)
అభిరుచులను
నేను అనుభవిస్తూ
ఆనందిస్తూ చలిస్తూ నా జీవితం ... !
అంతలో :)
అర్ధాంగి ఆగమనం
అనురాగం ప్రెమ అర్థం మారింది
అలా ఇష్టం అర్ధభాగం తానయ్యింది ... !
ఆ తర్వాత :)
ఆమెతో పిల్లలు ప్రాకారంలో
అలా కోరికా ఇష్టాలు దూదిపిందెలై
ఆధారం లేని మేఘాలై తేలిపోయాయి ... !
ఇపుడు :(
నా ఇష్టాలు ప్రత్యేకం కాలేవు
అంతే కాదు, అయిష్టత కూడ
ఇపుడు ఇష్ట పదుల ఆ తీరం దారయి ... !!
కాలంలో :(
నా ఇష్టాలు ఉన్నా, దూరంగా
దరిజేరితే హృదయం భారంగా
వాత్సల్యం వరమై వింత స్వరం గారంగా ... !!
అవును :)
నాకూ ఇష్టాలుండేవి
అవి చిన చిన్న ఇష్టాలు
కొన్ని పెద్దవైనా, నిజమే, చాలా స్పష్టాలు ... !!!
... ✍ "కృష్ణ" కలం

-

నిజమే
అందరం అక్కడికి
ఎప్పుడైనా చేరాల్సినవాళ్ళమే …
తప్పదు మరణం
తప్పదు మరణం
ఎప్పటికైనా తప్పని మరణం ...
చప్పుడు చెయ్యదు
చెప్పదు మరణం
నిప్పును జేరిచె వో మరణం ...
గొప్పలు చూడదు
తప్పులు వీడదు
గుప్పెడు మూసిన ఆ తరుణం ...
పాపం పూడిచి
అప్పులు ఊడిచి
కప్పం తప్పక తీరిచె పయనం ...
ఎప్పటికప్పుడు
అప్పటికప్పుడు
చెప్పుతునే అది నీ హృదయం …
నమ్మిన నీకయి
చిమ్మిన చినుకై
చిప్పిల్లిన రుధిర నిశీధి నయనం ...
తప్పదు మరణం
తప్పదు మరణం
ఎప్పటికైనా తప్పని మరణం ...
... ✍ "కృష్ణ" కలం

-

What a colorful show you are !
Amazing Beautiful and awesome !!
Except when you color Black
Which makes day dark sometimes …

-

కలానికా కళంకం ... !?
అదేంటో ? నా అక్షర చిత్రం
అచ్చుగుద్దినట్టు అనిపిస్తుందేమో !
ఎవరికి ఎక్కడ గుచ్చుకోవాలో
అక్కడే తాను చొచ్చుకుపోతుందేమో ... !
నచ్చిన గుణాలైతే మెచ్చేసుకొంటారు
ఎత్తి చూపే గుణాలు అగుపిస్తే !!
ఆ ఆకార సాకార ప్రాకారం చూపితే
ఎందుకో ఎర్రెక్కి ఎంత ఎక్కిరిస్తారో ... !!
కలానికి పాపం రాయటం తప్ప
నీ రూపం ఏం తెలుస్తుంది చెప్పు !!!
తన చుట్టూ తాను చూస్తుంది
తాను చూసిందే కదా రాస్తుంది ... !!!
మరి
కలానికా కళంకం ... !?
) ... ✍ "కృష్ణ" కలం

-

"నిన్నటి మధుర జ్ఞాపకం "
ఆహ్లాదకరమైన వాతావరణం
ఆనంద సుందర సమూహం
ఆట పాటలతో ఆ ప్రయాణం
ఆకలిని లాలించిన భిన్నాన్నం ...
ఎత్తులో ఉన్నాడు శ్రీనివాసుడు
ఎన్ని వంపులో మార్గం చేరుడు
ఎండజూడ మధ్యాహ్న భానుడు
ఏమి ద్వజం ఏం గోపురం నడు ...
తలుపులు మూసున్నయ్ జూడ
తలపులు తన్మయం మది జాడ
తనువులు ఆతని జూపులకై వేడ
తన్మయం తన నామాలనే పాడ ...
అంతలో తెరచుకొన్న ద్వారాంతం
అంత ఎత్తులో అనంతుని శిల్పం
అంతరాలలో స్వరూపం సొంతం
అపురూపం ఓ ఆ జారిన పుష్పం ...
ఎవరెవరి కోరికల్ కొలతల్ వారివి
ఎవ్వరి మనసుల్ మతుల్ వేరవి
ఎక్కడి మానుష జన్మమ్ జేరితివి
ఎప్పుడు జూజుచున్ గాచున్ రవి ...
వైరాగ్యం దేహాన ప్రతి అణువున
వైనతేయుడు పూనే వాహనాన
వైతరిణే సాక్షి, స్వామే నరనరాన
వైదేహి ఓర్పు పల్కె అమ్మ స్వరాన ...
… ✍ "కృష్ణ" కలం

-

" వెన్నలా వెన్నెలై "

చెప్పాలనుకొన్నది చెప్పేయ్
చెప్పు కింది రాయిలా కాదు
చెప్పే విధంగా చెప్పు
విధానంలో నిదానముండాలి ...

కోపంతో విసురుగా అన్న మాట
కొమ్ములా గుచ్చుకుంటుంది
అన్న మాట ఆ విన్న చోట
వెన్నలా తాకాలి వెన్నెలై విరియాలి ...

... ✍ "కృష్ణ" కలం

-

"ఉగాది"
వసంతం కొత్తది వాసంతం పాతది
వత్సరం కొత్తది వనప్రియం పాతది
మాసం కొత్తది మధుస్వరం పాతది
ఉగాది కొత్తది కుహూకంఠం పాతది ...
ఉత్తర దక్షిణాయణ సంయుతం ఇది
తత్ ద్వయ యుగానికి ఆది యుగాది
చాంద్రమాన చైత్ర శుద్ధ పాడ్యమి తిథి
నమ్మకం విశ్వాసాల విశ్వావసు ఉగాది ... !
కోయిల కుహు కుహూల క్రొత్త రాగమిది
కోటి కొత్త చిగురు ఆశల అనాది పునాది
కోమల నక్షత్ర గమనానికి ఇది గదా ఆది !
నవ వసంత ఋతు జీవ గమన నాంది ... !
షడ్రుచుల సమ్మేళన కొత్త పచ్చడి ఉగాది
సాహితీ ప్రియుల కవన వనాల నవ నిధి
సకల పాపహరణ పంచాంగ శ్రవణం విధి
ఉగ గమన ఆది యుగాది ఏ/ఈ ఉగాది ... !
... ✍ "కృష్ణ" కలం

-